Эльбрусоид :: Эльбрусоид

Ушамагъан – джукъмаз.
Джарашыу сюйген – джалынчакъ.
Дженгил джетерикме деб, узун джолну къоюб, къысхасын барма.
Ауурну тюбю бла, дженгилни башы бла джюрюген.
Насыб бютеу халкъны юлюшюдю.
Аман хансны – урлугъу кёб.
Бал ашаргъа сюе эсенг, чибин ургъаннга тёз.
Чакъырылгъанны аты, чакъырылмагъанны багъасы болур.
Кёз – сюйген джерде, къол – ауругъан джерде.
Къуру гыбыт бек дыгъырдар.
Ана къолу ачытмаз.
Кюн кёрмеген, кюн кёрсе, кюндюз чыракъ джандырыр.
Экиндини кеч къылсанг, чабыб джетер ашхам.
Къартны сыйын кёрмеген, къартлыгъында сыйлы болмаз.
Ата – билек, ана – джюрек!
Чомартны къолун джокълукъ байлар.
Нарт сёз – тилни бети.
Кёл – къызбай, къол – батыр.
Джюз элде джюз ёгюзюм болгъандан эсе, джюз джууугъум болсун.
Джашлыкъ этмеген, башлыкъ этмез.
Тил бла келеди джыр да.
Тойну къарнашы – харс, джырны къарнашы – эжиу.
Кёл ашады да, кеси ашады.
Джангызны оту джарыкъ джанмаз!
Тилчиден кери бол.
Тели турса – той бузар.
Юйлю уругъа ит чабмаз.
Тешигини къатында, чычхан да батыр болур.
Ашаса, ашамаса да, бёрюню ауузу – къан.
Тынгылагъан тынгы бузар.
Ач – эснер, ат – кишнер.
Бойнуму джети джерден кессенг да, мен ол ишни этеллик тюлме.
Къызбайны юйюне дери сюрсенг, батыр болур.
Хунаны тюбюн къазсанг, юсюнге ауар.
Тюкюрюк баш джармаз, налат кёз чыгъармаз!
Джогъун бар этген, барын бал этген.
Азыгъы аз, алгъа къабар, аты аман, алгъа чабар.
Байлыкъ адамны сокъур этер.
Онгсузну – джакъла, тенгликни – сакъла.
Байма, деб да, къууанма, джарлыма, деб да, джылама.
Джыгъылгъанны сырты джерден тоймаз.
Окъугъан – асыу, окъумагъан – джарсыу.
Тамырсыз терекге таянма – джыгъылырса.
Джаралыны джастыгъында сау ёлюр.
От кюйдюрген, сау болса да, тот кюйдюрген, сау болмаз.
Бир онгсуз адам адет чыгъарды, деб эштирик тюлсе.
Джангыз терек къынгыр ёсер.
Аманны къуугъан, аманлыкъ табар.
Атлыны кёрсе, джаяуну буту талыр.
Ашына кёре табагъы, балына кёре къалагъы.