Эльбрусоид :: Эльбрусоид

Эрине къаргъыш этген къатын, эрнин къабар.
Татлы тилде – сёз ариу, чемер къолда – иш ариу.
Кийиминг бла танылма, адамлыкъ бла таныл.
Ата Джуртун танымагъан, атасын да танымаз.
Аманнга да, игиге да оноусуз къатышма.
Къайтырыкъ эшигинги, къаты уруб чыкъма.
Хаухну атма, ёнгкючню сатма.
Мураты болгъанны джюрек тебюую башхады.
Ёпкелегенни ашы татлы болады.
Кёлю джокъну – джолу джокъ.
Ауурну тюбю бла, дженгилни башы бла джюрюген.
Бети – къучакълар, джюреги – бычакълар.
Джаз бир кюнню джатсанг, къыш талай кюнню абынырса.
Бойнуму джети джерден кессенг да, мен ол ишни этеллик тюлме.
Билеги кючлю, бирни джыгъар, билими кючлю, мингни джыгъар.
Ишге юренсин къоллары, халкъ бла болсун джоллары.
Бастасын ашагъан, хантусун да ичер.
Тиширыусуз юй – отсуз от джагъа.
Иги сёз – джаннга азыкъ, аман сёз башха – къазыкъ.
Айраннга суу къош, телиге джол бош.
Чомарт джарлы болмаз.
Нарт сёз – тилни бети.
Ашхы сёз таш тешер.
Джюрекден джюрекге джол барды.
Къолунгдан къуймакъ ашатсанг да, атаны борчундан къутулмазса.
Азыгъы аз, алгъа къабар, аты аман, алгъа чабар.
Къолу уллу – асыу, аягъы уллу – джарсыу.
Билим насыб берир, билим джолну керир.
Къар – келтирди, суу – элтди.
Сагъышы джокъ – джукъучу, акъылы джокъ – къаугъачы.
Тешик этген тынчды, аны джамагъан къыйынды.
«Ма», - дегенни билмесенг, «бер», - дегенни билмезсе.
Чыбыкълыкъда бюгюлмеген, къазыкълыкъда бюгюлмей эди.
Суу да къайтады чыкъгъан джерине.
Ёлмесенг да, къарт дамы болмазса?
Тойгъан джерден туугъан джер игиди.
Кимни – тили, тиши онглу, кимни – къолу, иши онглу.
Биреуге кёлтюрген таягъынг, кесинги башынга урур.
Айтхан – тынч, этген – къыйын.
Сабий кёргенин унутмаз.
Шайтан алдады, тюзлюк къаргъады.
Ашлыкъны арба юйге келтирир, чана базаргъа элтир.
Къонагъы джокъну – шоху джокъ.
Джашда акъыл джокъ, къартда къарыу джокъ.
Аллахдан тилесенг, кёб тиле.
Джауумдан сора, кюн кюйдюрюр, ётюрюкден сора, айыб кюйдюрюр.
Окъуусуз билим – джокъ, билимсиз кюнюнг – джокъ.
Ушамагъан – джукъмаз.
Аурууну келиую тынч, кетиую – къыйын.
Тилчи тилден къаныкъмаз.