- Къобан да къуру да къобханлай турмайды, адам да къуру да патчахлай турмайды.
- Кирсизни – саны таза, халалны – къаны таза.
- Къуру гыбыт бек дыгъырдар.
- Тилчиден кери бол.
- Чомарт джарлы болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Иги сеники эсе да, сюйген кесимикин этеме.
- Эркиши – от, тиширыу – суу.
- Ашда – бёрю, ишде – ёлю.
- Бёрю да ач къалмасын, эчки да ашалмасын.
- Ауругъаннга – кийик саулукъ, джетген къызгъа – чилле джаулукъ.
- Уллу къазанда бишген эт, чий къалмаз.
- Къартны бурнун сюрт да, оноугъа тут.
- Тилсиз миллет джокъ болур.
- Иши джокъну, сыйы джокъ.
- Джуртун къоругъан озар.
- Билгенни къолу къарны джандырыр.
- Экиндини кеч къылсанг, чабыб джетер ашхам.
- Аман къатын сабий табса, бий болур…
- Аманны къуугъан, аманлыкъ табар.
- Къарнынг тойгъунчу аша да, белинг талгъынчы ишле.
- Тойгъа барсанг, тоюб бар, эски тонунгу къоюб бар.
- Билмезни кёзю кёрмез, этмезни къулагъы эшитмез.
- Эл бла кёргенинг эрелей.
- Минг тенг да азды, бир джау да кёбдю.
- Эри аманны, къатыны – аман.
- Чомартны къолу берекет.
- Суу да къайтады чыкъгъан джерине.
- Телиге от эт десенг, юйюнге от салыр.
- Кёбден умут этиб, аздан къуру къалма.
- Тюзню ётмеги тюзде къалса да, тас болмаз.
- Къатыны харакетли болса, эри къымсыз болур.
- Джашынгы кесинг юретмесенг, джашау юретир.
- Къонакъ аман болса, къонакъбай джунчур
- Ёлмесенг да, къарт дамы болмазса?
- Орну джокъну – сыйы джокъ.
- «Ма», - дегенни билмесенг, «бер», - дегенни билмезсе.
- Сабий кёргенин унутмаз.
- Гугурук къычырмаса да, тангны атары къалмаз.
- Эринчекге кюн узун.
- Ариу сёзде ауруу джокъ.
- Ёмюрлюк шохлукъну джел элтмез.
- Келлик заман – къартлыкъ келтирир, кетген заман – джашлыкъ ёлтюрюр.
- Зар адамны насыбы болмаз.
- Джаным-тиним – окъуу, билим.
- Ишге юренсин къоллары, халкъ бла болсун джоллары.
- Джетген къыз джерли эшекни танымаз.
- Уллу къашыкъ эрин джыртар.
- Бал ашаргъа сюе эсенг, чибин ургъаннга тёз.
- Ачлыкъ отха секиртир.
Новый альбом
03.08.2016