Эльбрусоид :: Эльбрусоид

Элиб деген, элге болушур.
Эл ауузу – элия.
Босагъагъа джууукъ орун болса, ашыгъыб тёрге озма.
Гугурук къычырмаса да, тангны атары къалмаз.
Тёгюлген тюгел джыйылмайды.
Ата Джуртча джер болмаз, туугъан элча эл болмаз.
Ауругъаннга – кийик саулукъ, джетген къызгъа – чилле джаулукъ.
Башынга джетмегенни сорма.
Кёлсюзден сёзсюз тууар.
Эки къатын алгъан – эки ташны ортасына башын салгъан.
Кесинг сынамагъан затны, адамгъа буюрма.
Эки къатын алгъанны къулагъы тынгнгаймаз.
Къоркъакъны кёзю экили кёрюр.
Окъугъан – асыу, окъумагъан – джарсыу.
Аджалсыз ёлюм болмаз.
Тынгылагъан тынгы бузар.
Биреуню къыйынлыгъы бла кесинге джол ишлеме.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Кюлме джашха – келир башха.
Тойчу джашха къарама, къойчу джашха къара.
Суу да къайтады чыкъгъан джерине.
Эрни эр этерик да, къара джер этерик да, тиширыуду.
Аманны тукъумуна къарама, игини тукъумун сорма.
Тешигини къатында, чычхан да батыр болур.
Джырына кёре эжиую.
Татлы сёз – балдан татлы.
Кесине гебен этелмеген, биреуге черен эте эди.
Сёлеш деб шай берген, тохта деб, сом берген.
Эки ойлашыб, бир сёлешген.
Урунуу – насыбны анасы.
Байны оноуу, джарлыгъа джарамаз.
Эл элде бирер малынг болгъандан эсе, бирер тенгинг болсун.
Аман адам элни бир-бирине джау этер.
Элге къуллукъ этмеген, элге ие болмаз.
Айтхан – тынч, этген – къыйын.
Чабакъ башындан чирийди.
Джылкъыдан – ат чыгъар, тукъумдан – джаш чыгъар.
Ана – юйню кюн джарыгъы.
Тин – байлыгъынг, терен саулугъунг.
Къулакъдан эсе, кёзге ышан.
Азыкъ аз болса, эртде орун сал.
Джылар джаш, атасыны сакъалы бла ойнар.
Зарда марда джокъ.
Тойну къарнашы – харс, джырны къарнашы – эжиу.
Къартны бурнун сюрт да, оноугъа тут.
Аджаллыгъа окъсуз шкок атылыр.
Аз сёлеш, кёб ишле.
Ишни аллы бла къууанма да, арты бла къууан.
Кёбню кёрген – кёб билир.
Джан саулукъ бермей, сан саулукъ бермезсе.