- Алтыннга тот къонмаз.
- Ургъан суудан башынгы сакъла.
- Аллахдан тилесенг, кёб тиле.
- Ёнгкюч къууана барыр, джылай келир.
- Чыкълы кюнде чыкъмагъан, чыкъса къуру кирмеген.
- Эринчекни эр алмаз, эр алса да, кёл салмаз, кёл салса да, кёб бармаз!
- Адам къыйынлыгъын кёлтюрюр, зауукълугъун кёлтюрмез.
- Урама да – ёледи, сатама да – келеди.
- Аурууну келиую тынч, кетиую – къыйын.
- Сагъыш – къартлыкъгъа сюйюмчю.
- Хоншуну тауугъу къаз кёрюнюр, келини къыз кёрюнюр.
- Малны кют, джерни тюрт.
- Ата Джуртуму башы болмасам да, босагъасында ташы болайым.
- Таш ата билмеген, башына урур.
- Адамны аманы адамны бети бла ойнар.
- Юреннген ауруу къалмаз.
- Ёзденликни кёбю ётюрюк.
- Тюзлюк шохлукъну бегитир.
- Окъуу – билимни ачхычы, окъуу – дунияны бачхычы.
- Биреу къой излей, биреу той излей.
- Тенги кёбню джау алмаз, акъылы кёбню дау алмаз.
- Намысы джокъну – дуниясы джокъ.
- Онгсузну – джакъла, тенгликни – сакъла.
- Чабакъгъа акъыл, табагъа тюшсе келеди.
- Ишлерге уял да, ашаргъа табма.
- Акъыллы эркиши атын махтар, акъылсыз эркиши къатынын махтар.
- Тойгъа алгъа да барма, тойда артха да къалма.
- Босагъагъа джууукъ орун болса, ашыгъыб тёрге озма.
- Къумурсхала джыйылсала, пилни да джыгъадыла.
- Ата Джуртун танымагъан, атасын да танымаз.
- Ёмюрлюк шохлукъну джел элтмез.
- Ханнга да келеди хариблик.
- Мураты болгъанны джюрек тебюую башхады.
- Билмегенинги, билгеннге сор.
- Сабий болмагъан джерде, мёлек болмаз.
- Тил джюрекге джол ишлейди.
- Нафысынгы айтханын этме, намысынгы айтханын эт.
- Ашхы сёз таш тешер.
- Эллинг бла джау болсанг да, юйюнг бла джау болма.
- Сакъ юйюне сау барыр.
- Адебсиз адам – джюгенсиз ат.
- Джуртун къоругъан озар.
- Байны оноуу, джарлыгъа джарамаз.
- Борчунг бар эсе, хурджунунга ойлаб узал.
- Атлыны ашхысы, ат тизгининден билинир
- Артына баргъанны, къатына барма.
- Кёлю джокъну – джолу джокъ.
- Хар зат кесини орнуна иги.
- Сууда джау джокъ, кёб сёзде магъана джокъ.
- Битмегеннге сакъал – танг.
Новый альбом
03.08.2016