- Ана – юйню кюн джарыгъы.
- Байны къызы баймакъ болса да, юйде къалмаз!
- Аш берме да, къаш бер.
- Уллу къашыкъ эрин джыртар.
- Сибиртки да сыйлы болду, кюрек да кюнлю болду.
- Джюрек кёзден алгъа кёрюр.
- Ач, тоймам, дейди, тойгъан, ач болмам, дейди.
- Аякъларынгы джууургъанынга кёре узат.
- Джогъун бар этген, барын бал этген.
- Башсыз урчукъ тюзюне айланмаз.
- Адам сёзюнден белгили.
- Тойгъан джерден туугъан джер игиди.
- Тешигини къатында, чычхан да батыр болур.
- Таугъа чыгъаллыкъ эсенг, тюзде къалма.
- Тамбла алтындан бюгюн багъыр ашхы.
- Чакъырылмай келген къонакъ сыйланмай кетер.
- Ашын ашагъанынгы, башын да сыйла.
- Айраннга суу къош, телиге джол бош.
- Аджашханны ызындагъы кёреди, джангылгъанны джанындагъы биледи.
- Къазанны башы ачыкъ болса, итге уят керекди.
- Къобан да къуру да къобханлай турмайды, адам да къуру да патчахлай турмайды.
- Башынга джетмегенни сорма.
- Джаралыны джастыгъында сау ёлюр.
- Дуния аламаты сен эсенг да, игиме деб айтма.
- Къарын къуру болса, джюрек уру болур.
- Орну джокъну – сыйы джокъ.
- Тау башында, тау болмаз, джангыз терек, бау болмаз.
- Болджал ишни бёрю ашар.
- Тойгъан джерге джети къайт.
- Акъдан къара болмаз.
- Тёрде – темир таякълы, къаяда – чыпчыкъ аякълы.
- Джеринден айырылгъан – джети джылар, джуртундан айырылгъан – ёлгюнчю джылар.
- Акъыл къартда, джашда тюйюлдю – башдады.
- Намысы болмагъанны, сыйы болмаз.
- Джарлы тюеге минсе да, ит къабар.
- Джырчы джырчыгъа – къарнаш.
- Джылыгъа джылан илешир.
- Кёзюнде тереги болгъан, чёбю болгъаннга кюле эди.
- Атадан ёксюз – бир ёксюз, анадан ёксюз – эки ёксюз.
- Сёз садакъдан кючлюдю.
- Джерни букъусу кёкге къонмаз.
- Къазанда болса, чолпугъа чыгъар.
- Сагъышы джокъ – джукъучу, акъылы джокъ – къаугъачы.
- Къанны къан бла джуума, аманны аман бла къуума.
- Келинин тута билмеген, къул этер, къызын тута билмеген, тул этер.
- Ауузу бла къуш тута айланады.
- Тёгюлген тюгел джыйылмайды.
- Ким бла джюрюсенг, аны кёзю бла кёрюнюрсе.
- Ачлыкъда тары гырджын халыуадан татлы.
- Ана къолу ачытмаз.
Новый альбом
03.08.2016