Войти на сайт
28 Марта  2024 года

 

  • Иши джокъну, сыйы джокъ.
  • Джюз элде джюз ёгюзюм болгъандан эсе, джюз джууугъум болсун.
  • Намысы джокъну – дуниясы джокъ.
  • Аман адам элни бир-бирине джау этер.
  • Сагъыш – къартлыкъгъа сюйюмчю.
  • Кийим тукъум сордурур.
  • Дууулдаса – бал чибин, къонса – къара чибин.
  • Къызбайны юйюне дери сюрсенг, батыр болур.
  • Хатерли къул болур.
  • Уллу къашыкъ эрин джыртар.
  • Тилчи тилден къаныкъмаз.
  • Берекет берсин деген джерде, берекет болур.
  • Бал ашаргъа сюе эсенг, чибин ургъаннга тёз.
  • Эки итни арасына сюек атма, эки адамны арасында сёз чыгъарма.
  • Тура эдим джата, къайдан чыкъды хата?
  • Урама да – ёледи, сатама да – келеди.
  • Этек чакъмакълары баш джаргъан, сёлешген сёзлери таш джаргъан.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Ат басханны джер билед.
  • Джырчы джырчыгъа – къарнаш.
  • Аджашхан тёгерек айланыр.
  • Ишлегенден, къарагъан уста.
  • Аурууну келиую тынч, кетиую – къыйын.
  • Кёзню ачылгъаны – иги, ауузну джабылгъаны – иги.
  • Бастасын ашагъан, хантусун да ичер.
  • Кёлю джокъну – джолу джокъ.
  • Биреу ашаб къутулур, биреу джалаб тутулур.
  • Мен да «сен», дейме, сен да «кесим», дейсе.
  • Ачлыкъда тары гырджын халыуадан татлы.
  • Сёз садакъдан кючлюдю.
  • Аллахха ийнаннган кишини, Аллах онгдурур ишин.
  • Окъугъан озар, окъумагъан тозар.
  • Акъыл бла адеб эгизледиле.
  • Ата – билек, ана – джюрек!
  • Окъугъанны бети джарыкъ.
  • Джашынгы кесинг юретмесенг, джашау юретир.
  • Кирсизни – саны таза, халалны – къаны таза.
  • Къая джолда джортма, ачыкъ сёзден къоркъма.
  • Къонакъ кёб келюучю юйню, къазаны отдан тюшмез.
  • Джашда акъыл джокъ, къартда къарыу джокъ.
  • Тойгъа барсанг, тоюб бар, эски тонунгу къоюб бар.
  • Нёгерсизни джолу узун.
  • Уллу суу бла уллу ауруудан башынгы сакъла.
  • Атынг аманнга чыкъгъандан эсе, джанынг тамагъынгдан чыкъсын.
  • Акъыллы – эл иеси, тели – эл баласы.
  • Джол бла сёзню къыйыры джокъ.
  • Нарт сёз къарт болмаз.
  • Сабийни джумушха джибер да, ызындан бар.
  • Халкъны юйю – туугъан джери.
  • Аууз сакълагъан – джан сакълар.
О нас » 09djash090909
Написать нам