- Хунаны тюбюн къазсанг, юсюнге ауар.
- Чакъырылмагъан джерге барма, чакъырылгъан джерден къалма.
- Ач келгенни – тойдур, кеч келгенни – къондур.
- Чомартны къолун джокълукъ байлар.
- Джылар джаш, атасыны сакъалы бла ойнар.
- Ариу сёз аурууунгу алыр.
- Билмейме деген – бир сёз
- Къонакъ болсанг, ийнакъ бол.
- Мен да «сен», дейме, сен да «кесим», дейсе.
- Ёзденликни джайгъан – джокълукъ.
- Уллу суу бла уллу ауруудан башынгы сакъла.
- Ёксюзню тилеги къабыл болур.
- Намысы джокъну – дуниясы джокъ.
- Ашарыкъда сайлагъаннга – чий гырджын.
- Атынг аманнга чыкъгъандан эсе, джанынг тамагъынгдан чыкъсын.
- Келлик заман – къартлыкъ келтирир, кетген заман – джашлыкъ ёлтюрюр.
- Билим насыб берир, билим джолну керир.
- Джаралыны джастыгъында сау ёлюр.
- Эли джокъну – кёлю джокъ.
- Ашхы болсанг, атынг чыгъар, аман болсанг, джанынг чыгъар.
- Тенгинг джокъ эсе – изле, бар эсе – сакъла!
- Сабийни джумушха джибер да, ызындан бар.
- Эл ауузу – элия.
- Экеу тутушса, биреу джыгъылыр.
- Аш иеси бла татлыды.
- Байма, деб да, къууанма, джарлыма, деб да, джылама.
- Эки итни арасына сюек атма, эки адамны арасында сёз чыгъарма.
- Аманнга алтын чыдамаз.
- Дуния аламаты сен эсенг да, игиме деб айтма.
- Агъач халкъгъа алтынды, иссиликге салкъынды.
- Ариуну – ауруу кёб.
- Эшекни не къадар тюйсенг да, ат болмаз.
- Тели турса – той бузар.
- Ашыкъгъан cуу, тенгизге джетмез.
- Ёлмесенг да, къарт дамы болмазса?
- Ата – билек, ана – джюрек!
- Акъыл аздырмаз, билим тоздурмаз.
- Эл бла кёргенинг эрелей.
- Сёз садакъдан кючлюдю.
- Гырджын – тепсини тамадасы.
- Тойгъа алгъа да барма, тойда артха да къалма.
- Сууда джау джокъ, кёб сёзде магъана джокъ.
- Кюл тюбюндеги от кёрюнмейди.
- Сакъ юйюне сау барыр.
- Зарда марда джокъ.
- Биреуню эскиси биреуге джангы болмайды.
- Кюлме джашха – келир башха.
- Окъугъан озар, окъумагъан тозар.
- Къонакъ хазыр болгъанлыкъгъа, къонакъбай хазыр тюлдю.
- Ана – юйню кюн джарыгъы.
Новый альбом
03.08.2016