- Узун джолну барсанг, бюгюн келирсе, къысха джолну барсанг, тамбла келирсе.
- Ариу – кёзге, акъыл – джюрекге.
- Аманнга игилик этсенг, юйюнге сау бармазса.
- Магъанасыз сёз – тауушсуз сыбызгъы.
- Эли джокъну – кёлю джокъ.
- Ашхы болсанг, атынг чыгъар, аман болсанг, джанынг чыгъар.
- Сёлеш деб шай берген, тохта деб, сом берген.
- Рысхы – насыбха къор.
- Ата Джуртча джер болмаз, туугъан элча эл болмаз.
- Азыгъы аз, алгъа къабар, аты аман, алгъа чабар.
- Игилик игилик бла сингдирилиучю затды.
- Чомарт къонакъ юй иесин сыйлар.
- Биреуню тёрюнден, кесинги эшик артынг игиди.
- Айтылгъан буйрукъ, сёгюлмез
- Бойнуму джети джерден кессенг да, мен ол ишни этеллик тюлме.
- Чалманны аллы къалай башланса, арты да алай барады.
- Сыфатында болмагъаны, суратында болмаз.
- Уллу къазанда бишген эт, чий къалмаз.
- Кёпюр салгъан кеси ётер, уру къазгъан кеси кетер.
- Аманнга алтын чыдамаз.
- Мураты болгъанны джюрек тебюую башхады.
- Тюз сёз баргъан сууну тыяр.
- Тил джюрекге джол ишлейди.
- Тюзлюк шохлукъну бегитир.
- Ётюрюкню башын керти кесер.
- Чомарт къолда мал къалмаз.
- Эркишини аманы тиширыуну джылатыр.
- Аман адам этегингден тутса, кес да къач.
- Ачылгъан эт джабылыр, кёрген кёз унутмаз.
- Джарлы тюеге минсе да, ит къабар.
- Чакъырылгъанны аты, чакъырылмагъанны багъасы болур.
- Билими азны – ауузунда кирит.
- Кёб къычыргъандан – къоркъма, тынч олтургъандан – къоркъ.
- Бастасын ашагъан, хантусун да ичер.
- Кюн – узун, ёмюр – къысха.
- Аджалсыз ёлюм болмаз.
- Экеу тутушса, биреу джыгъылыр.
- Джюрекден джюрекге джол барды.
- Тамбла алтындан бюгюн багъыр ашхы.
- Окъугъанны бети джарыкъ.
- Айтхан сёзюне табылгъан.
- Чомарт джарлы болмаз.
- Насыб бютеу халкъны юлюшюдю.
- Сагъышы джокъ – джукъучу, акъылы джокъ – къаугъачы.
- Элде адам къалмаса, ит тахтагъа минер.
- Суугъа – таянма, джаугъа – ийнанма.
- Къоркъакъны кёзю экили кёрюр.
- Байдан умут эте, джарлыдан ёгюз багъасы къорады.
- Джукъу тёшек сайламайды.
- Айыбны суу бла джууалмазса.
Новый альбом
03.08.2016