- Акъыллы башны – тили къысха.
- Этни бети бла шорпасы.
- Джогъун бар этген, барын бал этген.
- Таугъа чыгъаллыкъ эсенг, тюзде къалма.
- Босагъагъа джууукъ орун болса, ашыгъыб тёрге озма.
- Бичгенде ашыкъма, тикгенде ашыкъ.
- Айран ичген – къутулду, джугъусун джалагъан – тутулду.
- Орундукъ тюбюнде атылсам да, орта джиликме, де да айлан.
- Ёксюзню къалачы уллу кёрюнюр.
- Хоншуну тауугъу къаз кёрюнюр, келини къыз кёрюнюр.
- Адеб этмеген, адеб кёрмез.
- Тенги кёбню джау алмаз, акъылы кёбню дау алмаз.
- Окъугъанны бети джарыкъ.
- Ариу сёз – къылычдан джити.
- Эркишиге тары кебек танг кёрюнюр.
- Ата Джуртча джер болмаз, туугъан элча эл болмаз.
- Алма терегинден кери кетмез.
- Ашын ашагъанынгы, башын да сыйла.
- Бет бетге къараса, бет да джерге къарар.
- Керти сёзге тёре джокъ.
- Азыгъы аз, алгъа къабар, аты аман, алгъа чабар.
- Сабий кёргенин унутмаз.
- Бети къызарыучу адамны, джюреги харам болмаз.
- Байлыкъ адамны сокъур этер.
- Зар адам ашынгы ашар, кесинги сатар.
- Къар – келтирди, суу – элтди.
- Накъырда – кертини келечиси.
- Кёлю джокъну – джолу джокъ.
- Соргъан айыб тюлдю, билмеген айыбды.
- Джаш къарыу бла кючлю, къарт акъыл бла кючлю.
- Адеби болмагъан къыз – тузсуз хант.
- Хаухну атма, ёнгкючню сатма.
- Келлик заман – къартлыкъ келтирир, кетген заман – джашлыкъ ёлтюрюр.
- Джаралыны джастыгъында сау ёлюр.
- Этни да ашады, бетни да ашады.
- Ёлген эшек бёрюден къоркъмайды.
- Татлы сёз – балдан татлы.
- Уллу къашыкъ эрин джыртар.
- Аурууну келиую тынч, кетиую – къыйын.
- Джаханимни кёрмей, джандетге кёл салмазса.
- Эки ойлашыб, бир сёлешген.
- Байлыкъ болгъан джерде, тынчлыкъ джокъду.
- Эртде тургъан джылкъычыны эркек аты тай табар.
- Ауузу бла къуш тута айланады.
- Ач бёрюге мекям джокъ.
- Хар ишни да аллы къыйынды.
- Акъыл неден да кючлюдю.
- Келгинчи, къонакъ уялыр, келгенден сора, къонакъбай уялыр.
- Аджал соруб келмез, келсе, къайтыб кетмез.
- Дженгил джетерикме деб, узун джолну къоюб, къысхасын барма.
