- Тенгинг джокъ эсе – изле, бар эсе – сакъла!
- Ашхы тенг джолгъа салыр, аман тенг джолдан тайдырыр.
- Ауузу бла къуш тута айланады.
- Башланнган иш битер, къымылдагъан тиш тюшер.
- Телиге акъыл салгъандан эсе, ёлгеннге джан салырса.
- Ашыкъгъан cуу, тенгизге джетмез.
- Ач уят къоймаз.
- Гитче джилтин уллу элни джандырыр.
- Тенгни тенглиги джашай барсанг билинир.
- Ауругъанны сау билмез, ач къарынны токъ билмез.
- Ачылгъан эт джабылыр, кёрген кёз унутмаз.
- Ата джурт – алтын бешик.
- Тилчи тилден къаныкъмаз.
- Кёб джат да, бек чаб.
- Мен да «сен», дейме, сен да «кесим», дейсе.
- Сютден ауузу кюйген, суугъа юфгюре эди.
- Таукел къуру къалмаз.
- Суу кетер, таш къалыр.
- Тил – миллетни джаны.
- Къолу уллу – асыу, аягъы уллу – джарсыу.
- Эшекни не къадар тюйсенг да, ат болмаз.
- Ач къалгъандан, кеч къалгъан къолай.
- Къарыусузгъа кюлме, онгсузгъа тийме.
- Джырчы ёлсе, джыры къалыр.
- Накъырда – кертини келечиси.
- Эл тойса, тоймагъан, эл къойса, къоймагъан.
- Агъач – джерни чырайы, кийим – эрни чырайы.
- Билим насыб берир, билим джолну керир.
- Итли къонакъ джарашмаз.
- Эри аманны, къатыны – аман.
- Ёпкелегенни ашы татлы болады.
- Эллинг бла джау болсанг да, юйюнг бла джау болма.
- Тёрде – темир таякълы, къаяда – чыпчыкъ аякълы.
- Ёгюзню мюйюзлери ауурлукъ этмейдиле.
- Тюкюрюк баш джармаз, налат кёз чыгъармаз!
- Джаз бир кюнню джатсанг, къыш талай кюнню абынырса.
- Аман адам этегингден тутса, кес да къач.
- Джюрек кёзден алгъа кёрюр.
- Къулакъдан эсе, кёзге ышан.
- Къанны къан бла джуума, аманны аман бла къуума.
- Кюлме джашха – келир башха.
- Адеб джокъда, намыс джокъ.
- Ашына кёре табагъы, балына кёре къалагъы.
- Чомартха Тейри да борчлуду.
- Кирсизни – саны таза, халалны – къаны таза.
- Гугурук къычырмаса да, тангны атары къалмаз.
- Байлыкъдан саулукъ ашхыды.
- Къартны сыйын кёрмеген, къартлыгъында сыйлы болмаз.
- Ишин билген, аны сыйын чыгъарады.
- Баргъанынга кёре болур келгенинг.
