- Рысхы – насыбха къор.
- Ач келгенни – тойдур, кеч келгенни – къондур.
- Къралынгы – душмандан, башынгы от бла суудан сакъла.
- Кёпюр салгъан кеси ётер, уру къазгъан кеси кетер.
- Къан бла кирген, джан бла чыгъар.
- Джюрекден джюрекге джол барды.
- Айырылмаз джууугъунга, унутмаз сёзню айтма.
- Ёксюзню тилеги къабыл болур.
- Къазанда болса, чолпугъа чыгъар.
- Ауругъан – джашаудан умутчу.
- Кеси юйюмде мен да ханма.
- Кюн – узун, ёмюр – къысха.
- Юй кюйдю да, кюйюз чыкъды, ортасындан тюйюш чыкъды.
- Элде адам къалмаса, ит тахтагъа минер.
- Эте билген, этген этеди, эте билмеген, юретген этеди!
- Юйлю уругъа ит чабмаз.
- Юй ишлеген балта эшикде къалыр.
- Чомарт къонакъ юй иесин сыйлар.
- Къазанны башы ачыкъ болса, итге уят керекди.
- Байлыкъдан саулукъ ашхыды.
- Тура эдим джата, къайдан чыкъды хата?
- Ата джурт – алтын бешик.
- Айранны сюйген, ийнек тутар.
- Эшекни не къадар тюйсенг да, ат болмаз.
- Адеб этмеген, адеб кёрмез.
- Аман адам элни бир-бирине джау этер.
- Бермеген къол, алмайды.
- Аз айтсам, кёб ангылагъыз.
- Кютгени беш эчки, сызгъыргъаны уа, джерни джарады.
- Намыс болмагъан джерде, насыб болмаз.
- Эшекге миннген – биринчи айыб, андан джыгъылгъан – экинчи айыб.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къонакъ аз олтурур, кёб сынар.
- Шапа кёб болса, аш татымсыз болур.
- Тилчи тилден къаныкъмаз.
- Джиби бир къат джетмей эди да, эки къат тарта эди.
- Тойчу джашха къарама, къойчу джашха къара.
- Юйюнг бла джау болгъандан эсе, элинг бла джау бол.
- Джукъу тёшек сайламайды.
- Сабийликде юретмесенг, уллу болса – тюзелмез.
- Ач къалгъандан, кеч къалгъан къолай.
- Сёлеш деб шай берген, тохта деб, сом берген.
- «Ёгюз, джаргъа джууукъ барма, меннге джюк боллукъса», - дегенди эшек.
- Кёлю джокъну – джолу джокъ.
- Чакъырылмагъан къонакъ – орунсуз.
- Зарда марда джокъ.
- Къайгъыны сюйген, къайгъы табар.
- Бозанг болмагъан джерге, къалагъынгы сукъма.
- Къазанчы аман болса, къазаны къайнамаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
