Радио

Ачлыкъ отха секиртир.
Кесине оноу эте билмеген, халкъына да эте билмез.
Ариу сёз джыланны орнундан чыгъарыр.
Аш хазыр болса, иш харам болур.
Байлыкъ тауусулур, билим тауусулмаз.
Тёрени джагъы джокъ.
Ышармагъан – кюлмез, кюлмеген – къууанчны билмез.
Ётюрюкню къуйругъу – бир тутум.
Эшекни не къадар тюйсенг да, ат болмаз.
Накъырданы арты керти болур.
Къарыусузгъа кюлме, онгсузгъа тийме.
Окъугъан – асыу, окъумагъан – джарсыу.
От кюйдюрген, сау болса да, тот кюйдюрген, сау болмаз.
Тик ёргени, тик энгишгеси да болады.
Чакъырылгъанны аты, чакъырылмагъанны багъасы болур.
Ушамагъан – джукъмаз.
Сакъ юйюне сау барыр.
Чёбню кёлтюрсенг, тюбюнден сёз чыгъар.
Экиндини кеч къылсанг, чабыб джетер ашхам.
Кютгени беш эчки, сызгъыргъаны уа, джерни джарады.
Тил джюрекге джол ишлейди.
Ач отунчуну ачыуу – бурнунда.
Джыланны къуйругъундан басарынг келсе, аны башы болгъанын унутма.
Ашхы адам – халкъ байлыгъы, ашхы джер – джашау байлыгъы.
Эл ауузу – элек, анга ийнаннган – халек.
Ичимден чыкъды хата, къайры барайым сата?
Мал ёлсе, сюек къалыр, адам ёлсе, иши къалыр.
Адеб джокъда, намыс джокъ.
Сабийликде юретмесенг, уллу болса – тюзелмез.
Аманны тукъумуна къарама, игини тукъумун сорма.
Ана кёлю – балада, бала кёлю – талада.
Ашхы тенг джолгъа салыр, аман тенг джолдан тайдырыр.
Эртде тургъан джылкъычыны эркек аты тай табар.
Нафысынгы айтханын этме, намысынгы айтханын эт.
Игиге айтсанг – билир, аманнга айтсанг – кюлюр.
Мухарны эси – ашарыкъда.
Сормай – алма, чакъырылмай – барма.
Ётюрюкчюню шагъаты – къатында.
Аджашханны ызындагъы кёреди, джангылгъанны джанындагъы биледи.
Адам бла мюлк юлешмеген эсенг, ол адамны билиб бошагъанма, деб кесинги алдама.
Юйлю уругъа ит чабмаз.
Адеби болмагъан къыз – тузсуз хант.
Баш – акъыл ючюн, акъылман – халкъ ючюн.
Кесинге джетмегенни, кёб сёлешме.
Къууут – джелге, берне – бошха.
Дуния аламаты сен эсенг да, игиме деб айтма.
Татлы тилде – сёз ариу, чемер къолда – иш ариу.
Адам сёзюнден белгили.
Тёгюлген тюгел джыйылмайды.
Ашхы болсанг, атынг чыгъар, аман болсанг, джанынг чыгъар.

Чат

Внимание!