Радио

Иги сеники эсе да, сюйген кесимикин этеме.
Айран тёгюлсе, джугъусу къалыр.
Чомартны къолу берекет.
Таула не мийик болсала да, аууш табылыр.
«Ёгюз, джаргъа джууукъ барма, меннге джюк боллукъса», - дегенди эшек.
Айырылмаз джууугъунга, унутмаз сёзню айтма.
Ойнай билмеген, уруб къачар.
Таш бла ургъанны, аш бла ур.
Ачлыкъда тары гырджын халыуадан татлы.
Эринчекге кюн узун.
Кенгеш болса, уруш болмаз.
Миллетни бойну – базыкъ, аны бла кюрешген – джазыкъ.
Къазанда болса, чолпугъа чыгъар.
Джюрекден джюрекге джол барды.
Зар адам ашынгы ашар, кесинги сатар.
Сабыр джетер муратха, сабырсыз къалыр уятха.
Сескекли кесин билдирир.
Джерни букъусу кёкге къонмаз.
Къонакъ болсанг, ийнакъ бол.
Байлыкъ тауусулур, билим тауусулмаз.
Адамны сабийин сюйген джюреги, бычакъча, джитиди.
Чомартха хар кюн да байрамды.
Сабий кёргенин унутмаз.
Рысхысына кёре, джаш ёсер, къышлыгъына кёре, мал ёсер.
Тамбла алтындан бюгюн багъыр ашхы.
Адамны артындан къара сабан сюрме.
Намысы джокъну – дуниясы джокъ.
Бозаны арты дауур болур.
Байлыкъ адамны сокъур этер.
Хантына кёре тузу, юйюне кёре къызы.
Джангыз терек къынгыр ёсер.
Чёбню кёлтюрсенг, тюбюнден сёз чыгъар.
Къолу уллу – асыу, аягъы уллу – джарсыу.
Эки ойлашыб, бир сёлешген.
Сакъламагъан затынга джолукъсанг, не бек къууанаса, не бек ачыйса.
Тюкюрюк баш джармаз, налат кёз чыгъармаз!
Адамны адамлыгъы къыйынлыкъда айгъакъланады.
Агъач халкъгъа алтынды, иссиликге салкъынды.
Джюз элде джюз ёгюзюм болгъандан эсе, джюз джууугъум болсун.
Накъырданы арты керти болур.
Уллу сёлешме да, уллу къаб.
Акъыл аздырмаз, билим тоздурмаз.
Тёзгеннге, джабылгъан эшик ачылыр.
Шайтан алдады, тюзлюк къаргъады.
Къонакъ аз олтурур, кёб сынар.
Адеб базарда сатылмаз.
Акъыллы айтыр эди, акъылсыз къоймайды.
Джарлы джети элни сёзюн этер.
Адам сёзге тынгыла, акъыл сёзню ангыла.
Аууз сакълагъан – джан сакълар.

Чат

Внимание!