- Къайгъыны сюйген, къайгъы табар.
- Рысхысына кёре, джаш ёсер, къышлыгъына кёре, мал ёсер.
- Эринчекге кюн узун.
- Эли джокъну – кёлю джокъ.
- Джырчы ёлсе, джыры къалыр.
- Тюзлюк шохлукъну бегитир.
- Зар адамны насыбы болмаз.
- Хунаны тюбюн къазсанг, юсюнге ауар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Рысхы – сют юсюнде кёмюк кибикди.
- Накъырда – кертини келечиси.
- Билимден уллу байлыкъ джокъду.
- Иги сёз – джаннга азыкъ, аман сёз башха – къазыкъ.
- Билим насыб берир, билим джолну керир.
- Джетген къыз джерли эшекни танымаз.
- Ёзденликни джайгъан – джокълукъ.
- Ашхы болсанг, атынг чыгъар, аман болсанг, джанынг чыгъар.
- Билими азны – ауузунда кирит.
- Акъыл сабырлыкъ берир.
- Адам туугъан джеринде, ит тойгъан джеринде.
- Къонакъ кёб келюучю юйню, къазаны отдан тюшмез.
- Ата джурт – алтын бешик.
- Ата Джуртун танымагъан, атасын да танымаз.
- Окъумагъан сокъурду, сокъур ташха абыныр!
- Дженгил джетерикме деб, узун джолну къоюб, къысхасын барма.
- Чомартха хар кюн да байрамды.
- Эллинг бла джау болсанг да, юйюнг бла джау болма.
- Къарнынг ауруса, ауузунгу тый
- Иги адамны бир сёзю эки болмаз.
- Билимли ёлмез, билимсиз кёрмез.
- Ач, тоймам, дейди, тойгъан, ач болмам, дейди.
- Уллу сёзде уят джокъ.
- Кютгени беш эчки, сызгъыргъаны уа, джерни джарады.
- Адебни адебсизден юрен.
- Ауругъаннга – кийик саулукъ, джетген къызгъа – чилле джаулукъ.
- Мен да «сен», дейме, сен да «кесим», дейсе.
- Ишлегенден, къарагъан уста.
- Эки къатын алгъан – эки ташны ортасына башын салгъан.
- Къалгъан ишге къар джауар.
- Къызбайны юйюне дери сюрсенг, батыр болур.
- Айраннга суу къош, телиге джол бош.
- Кесинг сынамагъан затны, адамгъа буюрма.
- Акъыллы – эл иеси, тели – эл баласы.
- Джаханимни кёрмей, джандетге кёл салмазса.
- Къарнынг бла ёч алма.
- Атлыны кёрсе, джаяуну буту талыр.
- Мухарны эси – ашарыкъда.
- Сёз садакъдан кючлюдю.
- Иги адам абынса да, джангылмаз.
- Таукел тауну аудурур.
Внимание!
Чат доступен только авторизованным пользователям.