Эльбрусоид :: Эльбрусоид

Ашхы сёз таш тешер.
Мухардан ач ычхынмаз.
Ауузу бла къуш тута айланады.
Джаш къарыу бла кючлю, къарт акъыл бла кючлю.
Келгинчи, къонакъ уялыр, келгенден сора, къонакъбай уялыр.
Ёлюр джаннга, ёкюл джокъ.
Бозаны арты дауур болур.
Миллетни бойну – базыкъ, аны бла кюрешген – джазыкъ.
Аджал соруб келмез, келсе, къайтыб кетмез.
Тулпарлыкъ, билекден тюл – джюрекден.
Къарнынг тойгъунчу аша да, белинг талгъынчы ишле.
Акъыл неден да кючлюдю.
Ким бла джюрюсенг, аны кёзю бла кёрюнюрсе.
Суу да къайтады чыкъгъан джерине.
Онгсузну – джакъла, тенгликни – сакъла.
Бети – къучакълар, джюреги – бычакълар.
Терслик кетер, тюзлюк джетер.
Адебни адебсизден юрен.
Мал кёб болса, джууукъ кёб болур.
Джарашыу сюйген – джалынчакъ.
Азыкъ аз болса, эртде орун сал.
Уллу атлама – абынырса, уллу къабма – къарылырса.
Хар зат кесини орнуна иги.
Къонакъны къачан кетерин сорма, къачан келлигин сор.
Игилик игилик бла сингдирилиучю затды.
Намыс сатылыб алынмайды.
Джан саулукъ бермей, сан саулукъ бермезсе.
Тойгъа алгъа да барма, тойда артха да къалма.
Айран тёгюлсе, джугъусу къалыр.
Кёб ант этген, кёб ётюрюк айтыр.
Уллу къашыкъ эрин джыртар.
Бастасын ашагъан, хантусун да ичер.
Элге къуллукъ этмеген, элге ие болмаз.
Адеб базарда сатылмаз.
Кёбге таш атма.
Ишге юренсин къоллары, халкъ бла болсун джоллары.
Тай асырагъан, атха минер.
Ашхы болсанг, атынг чыгъар, аман болсанг, джанынг чыгъар.
Халкъны джырын джырласанг, халкъ санга эжиу этер.
Нарт сёз – тилни бети.
Ачыкъ джюрекге джол – ачыкъ.
Ишлегенде эринме, ишде чолакъ кёрюнме.
Къумурсхала джыйылсала, пилни да джыгъадыла.
Къазанны башы ачыкъ болса, итге уят керекди.
Алтыда кюлмеген, алтмышда кюлмез.
Ариу сёз джыланны орнундан чыгъарыр.
Сабийликде юретмесенг, уллу болса – тюзелмез.
Тил – миллетни джаны.
Аджалсыз ёлюм болмаз.
Къонагъы джокъну – шоху джокъ.