Эльбрусоид :: Эльбрусоид

Махтаннган къыз, тойда джукълар.
Акъыл сабырлыкъ берир.
Чомартха хар кюн да байрамды.
Азыкъ аз болса, эртде орун сал.
Къошда джокъгъа – юлюш джокъ.
Иесиз малны бёрю ашар.
Айтханы чапыракъдан ётмеген.
Байны оноуу, джарлыгъа джарамаз.
Сыфатында болмагъаны, суратында болмаз.
Билгенни къолу къарны джандырыр.
Бичгенде ашыкъма, тикгенде ашыкъ.
Кёбден умут этиб, аздан къуру къалма.
Эл элде бирер малынг болгъандан эсе, бирер тенгинг болсун.
Экеулен сёлеше тура эселе, орталарына барыб кирме.
Тилчи бир сагъатха айлыкъ хата этер.
Хоншуну тауугъу къаз кёрюнюр, келини къыз кёрюнюр.
Баланы адам этген анады.
Аман къатын сабий табса, бий болур…
Джаным-тиним – окъуу, билим.
Ач уят къоймаз.
Кесине гебен этелмеген, биреуге черен эте эди.
Сабыр джетер муратха, сабырсыз къалыр уятха.
Эм уллу байлыкъ – джан саулукъ.
Эркишиге тары кебек танг кёрюнюр.
Хар ишни да аллы къыйынды.
Чомартны къолу берекет.
Эли джокъну – кёлю джокъ.
Къарт болгъан джерде, берекет болур, сабий болгъан джерде, оюн болур.
Кеси юйюмде мен да ханма.
Суу да къайтады чыкъгъан джерине.
Кёлсюзден сёзсюз тууар.
Ёксюзню тилеги къабыл болур.
Аманны тукъумуна къарама, игини тукъумун сорма.
Джырчы ёлсе, джыры къалыр.
Юйлю уругъа ит чабмаз.
Ашха уста, юйюнде болсун
Сабийликде юретмесенг, уллу болса – тюзелмез.
Атадан ёксюз – бир ёксюз, анадан ёксюз – эки ёксюз.
Тамчы таш тешер.
Таукел адам тау тешер.
Джигер – джаннга къыйынлыкъ.
Рысхы – насыбха къор.
Тин – байлыгъынг, терен саулугъунг.
Минг тенг да азды, бир джау да кёбдю.
Къартны бурнун сюрт да, оноугъа тут.
Билимден уллу байлыкъ джокъду.
Эркиши – от, тиширыу – суу.
Тили узунну, намысы – къысха.
Джырына кёре эжиую.
Джарлыны эшигин махтагъан джабар.