Эльбрусоид :: Эльбрусоид

Борчунг бар эсе, хурджунунга ойлаб узал.
Байлыкъ адамны сокъур этер.
Къарны аманнга къазан такъдырма, къолу аманнга от джакъдырма.
Тюзлюк шохлукъну бегитир.
Иесиз малны бёрю ашар.
Ариу джол аджал келтирмез.
Байлыкъ тауусулур, билим тауусулмаз.
Чакъырылмагъан къонакъ къачан кетерин сормаз.
Тилчи бир сагъатха айлыкъ хата этер.
Арбаз къынгырды да, ийнек сауалмайма.
Эр абынмай, эл танымаз.
Ата – билек, ана – джюрек!
Арыгъан къош чамчы болур.
Ач бёрюге мекям джокъ.
Сакъ юйюне сау барыр.
Къарыусузгъа кюлме, онгсузгъа тийме.
Адеб джокъда, намыс джокъ.
Тешигини къатында, чычхан да батыр болур.
Ашха уста, юйюнде болсун
Таугъа чыгъаллыкъ эсенг, тюзде къалма.
Къарнынг къанлынга кийирир.
Аманнга игилик этсенг, юйюнге сау бармазса.
Къаллай салам берсенг, аллай джууаб алырса.
Aдам боллукъ, сыфатындан белгили.
Суугъа – таянма, джаугъа – ийнанма.
Къая джолда джортма, ачыкъ сёзден къоркъма.
Ашыкъгъан cуу, тенгизге джетмез.
Аллахха ийнаннган кишини, Аллах онгдурур ишин.
Магъанасыз сёз – тауушсуз сыбызгъы.
Къонакъ аман болса, къонакъбай джунчур
Зар адам ашынгы ашар, кесинги сатар.
Чомартны къолун джокълукъ байлар.
Мураты болгъанны джюрек тебюую башхады.
Къартны сыйын кёрмеген, къартлыгъында сыйлы болмаз.
Бети бедерден, намыс сакълама.
Экеулен сёлеше тура эселе, орталарына барыб кирме.
Чомарт джарлы болмаз.
Аууздан келген, къолдан келсе, ким да патчах болур эди.
Джылыгъа джылан илешир.
Къызгъанчдан ычхыныр, мухардан ычхынмаз.
Джаханимни кёрмей, джандетге кёл салмазса.
Сёз къанатсыз учар.
Мухардан ач ычхынмаз.
Кимни – тили, тиши онглу, кимни – къолу, иши онглу.
Телини эшигин, махтау джабар.
Бети къызарыучу адамны, джюреги харам болмаз.
Тил – кесген бычакъ, сёз – атылгъан окъ.
Айран ичген – къутулду, джугъусун джалагъан – тутулду.
Нарт сёз – тилни бети.
Чакъырылгъанны аты, чакъырылмагъанны багъасы болур.