- Окъдан джара эртде-кеч болса да бителир, сёз джара, ёмюрге къалыр.
- Эки ойлашыб, бир сёлешген.
- Кёзден кетген, кёлден да кетеди.
- Ёзденликни кёбю ётюрюк.
- Кёб джат да, бек чаб.
- Тулпарлыкъ, билекден тюл – джюрекден.
- Сабий болмагъан джерде, мёлек болмаз.
- Къарнынг ауруса, ауузунгу тый
- Биреу ашаб къутулур, биреу джалаб тутулур.
- Орундукъ тюбюнде атылсам да, орта джиликме, де да айлан.
- Джаралыны джастыгъында сау ёлюр.
- Тамырсыз терекге таянма – джыгъылырса.
- Кюлме джашха – келир башха.
- Иши джокъну, сыйы джокъ.
- Чыбыкълыкъда бюгюлмеген, къазыкълыкъда бюгюлмей эди.
- Ишни аллы бла къууанма да, арты бла къууан.
- Ауурну тюбю бла, дженгилни башы бла джюрюген.
- Босагъагъа джууукъ орун болса, ашыгъыб тёрге озма.
- Сыфатында болмагъаны, суратында болмаз.
- Хар ишни да аллы къыйынды.
- Сабыр джетер муратха, сабырсыз къалыр уятха.
- Ашхы адам – халкъ байлыгъы, ашхы джер – джашау байлыгъы.
- Хантына кёре тузу, юйюне кёре къызы.
- Ач бёрюге мекям джокъ.
- Адам сёзюнден белгили.
- Минг тенг да азды, бир джау да кёбдю.
- Къайтырыкъ эшигинги, къаты уруб чыкъма.
- Джарлы эскисин джамаса, къууаныр.
- Атлыны кёрсе, джаяуну буту талыр.
- Айырылмаз джууугъунга, унутмаз сёзню айтма.
- Акъыллы айтыр эди, акъылсыз къоймайды.
- Хар зат кесини орнуна иги.
- Билимден уллу байлыкъ джокъду.
- Къыйынлы джети элге оноу этер.
- Джарлыны эшигин махтагъан джабар.
- Кёб джашагъан – кёб билир.
- Сакъ юйюне сау барыр.
- Билмезни кёзю кёрмез, этмезни къулагъы эшитмез.
- Бек анасы джыламаз.
- Ишленмеген джаш – джюгенсиз ат, ишленмеген къыз – тузсуз хант.
- Аз сёлешген, къайгъысыз турур.
- Чомарт джарлы болмаз.
- Юреннген ауруу къалмаз.
- Чакъырылгъанны аты, чакъырылмагъанны багъасы болур.
- Тойчу джашха къарама, къойчу джашха къара.
- Хар адамгъа кеси миннген тау кибик.
- Окъугъанны бети джарыкъ.
- Зар адам ашынгы ашар, кесинги сатар.
- Къралынгы – душмандан, башынгы от бла суудан сакъла.
- Аш кетер да бет къалыр.
Новый альбом
03.08.2016