Эльбрусоид :: Эльбрусоид

Аш берме да, къаш бер.
Адам къыйынлыгъын кёлтюрюр, зауукълугъун кёлтюрмез.
Ариу сёзде ауруу джокъ.
Къарнынг тойгъунчу аша да, белинг талгъынчы ишле.
Ёлюр джаннга, ёкюл джокъ.
Къыз чыгъаргъан – къызыл къымжа.
Адам сёзюнден белгили.
Босагъа таш юйге кирмей эди, тыбыр таш эшикге чыкъмай эди.
Ашхы адам – халкъ байлыгъы, ашхы джер – джашау байлыгъы.
Чакъырылмагъан джерге барма, чакъырылгъан джерден къалма.
Сакъ юйюне сау барыр.
Джыланны къуйругъундан басарынг келсе, аны башы болгъанын унутма.
Джырына кёре эжиую.
Кюлме джашха – келир башха.
Айтханы чапыракъдан ётмеген.
Билмезни кёзю кёрмез, этмезни къулагъы эшитмез.
Таукел къуру къалмаз.
Къонакъ аз олтурур, кёб сынар.
Ишин билген, аны сыйын чыгъарады.
Абынмазлыкъ аякъ джокъ, джангылмазлыкъ джаякъ джокъ.
Юй ишлеген балта эшикде къалыр.
Адамны сабийин сюйген джюреги, бычакъча, джитиди.
Бетинги сатма, малынгы сат.
Кийим тукъум сордурур.
Ашатыргъа иш – ашхы, ишлетирге аш – ашхы.
Ариу – кёзге, акъыл – джюрекге.
Ариу сёз аурууунгу алыр.
Ашхы сёз таш тешер.
Оюмсуз атлагъан, аджалсыз ёлюр.
Ата – билек, ана – джюрек!
Кёб джат да, бек чаб.
Адамны аманы адамны бети бла ойнар.
Къарнынг къанлынга кийирир.
Дуния мал дунияда къалады.
Ичимден чыкъды хата, къайры барайым сата?
Адамны адамлыгъы къыйынлыкъда айгъакъланады.
Иги бла джюрюсенг, джетерсе муратынга, аман бла джюрюсенг, къалырса уятха.
Къумурсхала джыйылсала, пилни да джыгъадыла.
Чабакъгъа акъыл, табагъа тюшсе келеди.
Ётюрюкчюню шагъаты – къатында.
Илму – джашауну джолу.
Бал чибинни ургъаны – ачы, балы – татлы.
Бёрю да ач къалмасын, эчки да ашалмасын.
Адамны артындан къара сабан сюрме.
Насыб бютеу халкъны юлюшюдю.
Адамгъа аман кюн соруб келмейди.
Къарыусузгъа кюлме, онгсузгъа тийме.
Бал – татлы, балдан да бала – татлы.
Кёлю джокъну – джолу джокъ.
Джарлы эскисин джамаса, къууаныр.