Эльбрусоид :: Эльбрусоид

Джарлыны тону джаз битер.
Ёксюзню къалачы уллу кёрюнюр.
Чабакъгъа акъыл, табагъа тюшсе келеди.
Джылыгъа джылан илешир.
Джигер – джаннга къыйынлыкъ.
Кёзню ачылгъаны – иги, ауузну джабылгъаны – иги.
Эки элинги тыйсанг, джети элде махталырса.
Ойнай билмеген, оюн бузар.
Эки къатын алгъанны къулагъы тынгнгаймаз.
Кёб къычыргъандан – къоркъма, тынч олтургъандан – къоркъ.
Дууулдаса – бал чибин, къонса – къара чибин.
Ариу сёзде ауруу джокъ.
Адамны аты башхача, акъылы да башхады.
Ашлыкъны арба юйге келтирир, чана базаргъа элтир.
Болджал ишни бёрю ашар.
Таула не мийик болсала да, аууш табылыр.
Сабий кёргенин унутмаз.
Эркишиге тары кебек танг кёрюнюр.
Бичгенде ашыкъма, тикгенде ашыкъ.
Къонакъ аз олтурур, кёб сынар.
Ёгюзню мюйюзюнден тутадыла, адамны сёзюнден тутадыла.
Билимсиз иш бармаз.
Aдам боллукъ, сыфатындан белгили.
Гыдай эчки суугъа къараб, мюйюзле кёрмесе, джашма алкъын, дегенди.
Эл ауузу – элек, анга ийнаннган – халек.
Адам боллукъ, атламындан белгили болур.
Хоншуну тауугъу къаз кёрюнюр, келини къыз кёрюнюр.
Ушамагъан – джукъмаз.
Кёл – къызбай, къол – батыр.
Иги – алгъыш этер, аман – къаргъыш этер.
Намыс сатылыб алынмайды.
Иесиз малны бёрю ашар.
Таш ата билмеген, башына урур.
Ойнай-ойнай кёз чыгъар.
Джумушакъ сёз къаты таякъны сындырыр.
Уруну арты – къуру.
Окъугъан озар, окъумагъан тозар.
Мал тутхан – май джалар.
Чакъырылмагъан джерге барма, чакъырылгъан джерден къалма.
Тенгинг джокъ эсе – изле, бар эсе – сакъла!
Къартха ушагъан джаш – акъыллы, джашха ушагъан къарт – тели.
Ишленмеклик адамлыкъды.
Чабакъ башындан чирийди.
Ачны эсинде – аш.
Аман адам этегингден тутса, кес да къач.
Тас болгъан бычакъны сабы – алтын.
Суугъа – чабакъ, къаягъа – ыргъакъ.
Керилген да, ургъан кибикди.
Ётюрюкден тюбю джокъ, кёлтюрюрге джиби джокъ.
Чомарт бергенин айтмаз.