- Садакъачыны джаны – къапчыгъында.
- Алгъанда – джууукъ, бергенде – джау.
- Адамны аты башхача, акъылы да башхады.
- Джашынгы кесинг юретмесенг, джашау юретир.
- Айтханы чапыракъдан ётмеген.
- Этни бети бла шорпасы.
- Адеб базарда сатылмаз.
- Ариу сёз аурууунгу алыр.
- Джылкъыдан – ат чыгъар, тукъумдан – джаш чыгъар.
- Таш бла ургъанны, аш бла ур.
- Джылар джаш, атасыны сакъалы бла ойнар.
- Арба аугъандан сора, джол кёргюзтюучю кёб болур.
- Кийим тукъум сордурур.
- Джарлы тюеге минсе да, ит къабар.
- Бети – къучакълар, джюреги – бычакълар.
- Хар адамгъа кеси миннген тау кибик.
- Джылыгъа джылан илешир.
- Бюгюн дуния кибик, тамбла ахыратды.
- Къонакъ кёб келюучю юйню, къазаны отдан тюшмез.
- Эркишини аманы тиширыуну джылатыр.
- Ишлегенде эринме, ишде чолакъ кёрюнме.
- Ёлюр джаннга, ёкюл джокъ.
- Адамгъа аман кюн соруб келмейди.
- Джарлы джети элни сёзюн этер.
- Адеб джокъда, намыс джокъ.
- Акъыллы башны – тили къысха.
- Уруну арты – къуру.
- Чалманны аллы къалай башланса, арты да алай барады.
- Окъугъанны бети джарыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Этек чакъмакълары баш джаргъан, сёлешген сёзлери таш джаргъан.
- Урама да – ёледи, сатама да – келеди.
- Ашхы тенг джолгъа салыр, аман тенг джолдан тайдырыр.
- Оюмсуз атлагъан, аджалсыз ёлюр.
- Ёмюрлюк шохлукъну джел элтмез.
- Айтхан сёзюне табылгъан.
- Тюзню ётмеги тюзде къалса да, тас болмаз.
- Сибиртки да сыйлы болду, кюрек да кюнлю болду.
- Джарашыу сюйген – джалынчакъ.
- Сабийни джумушха джибер да, ызындан бар.
- Айранны сюйген, ийнек тутар.
- Мал ёлсе, сюек къалыр, адам ёлсе, иши къалыр.
- Сескекли кесин билдирир.
- Ариуну – ауруу кёб.
- Биреу къой излей, биреу той излей.
- Игилик игилик бла сингдирилиучю затды.
- Сакъ юйюне сау барыр.
- Тойчу джашха къарама, къойчу джашха къара.
- Кечеси – аяз, кюню – къыш, джарлы къаргъагъа бир аш тюш!
- Кесинге джетмегенни, кёб сёлешме.
Новый альбом
03.08.2016