Эльбрусоид :: Эльбрусоид

Къонакъ аман болса, къонакъбай джунчур
Арпа, будай – ащды, алтын, кюмюш а – ташды.
Чомарт къолда мал къалмаз.
Эринчекге кюн узун.
Халкъны джырын джырласанг, халкъ санга эжиу этер.
Аш кетер да бет къалыр.
Иги джашны ышаны – аз сёлешиб, кёб тынгылар.
Сёлеш деб шай берген, тохта деб, сом берген.
Тешигини къатында, чычхан да батыр болур.
Адам къаллай бир ишленмесе, аллай бир кесин уллу кёреди.
Арбаз сайлама да, хоншу сайла.
Кийимни бичсенг, кенг бич, тар этген къыйын тюлдю.
Келгинчи, къонакъ уялыр, келгенден сора, къонакъбай уялыр.
Билим насыб берир, билим джолну керир.
Мал ёлсе, сюек къалыр, адам ёлсе, иши къалыр.
Аз сёлеш, кёб ишле.
Къарт айтханны этмеген, къартаймаз.
Къартны сыйын кёрмеген, къартлыгъында сыйлы болмаз.
Джюрекден джюрекге джол барды.
Ашда – бёрю, ишде – ёлю.
Ёлюр джаннга, ёкюл джокъ.
Артына баргъанны, къатына барма.
Сормай – алма, чакъырылмай – барма.
Джаным-тиним – окъуу, билим.
Аджалсыз ёлюм болмаз.
Хар адамгъа кеси миннген тау кибик.
Тенгни тенглиги джашай барсанг билинир.
Рысхы джалгъанды: келген да этер, кетген да этер.
Къуру гыбыт бек дыгъырдар.
Булут кёкге джарашыу, уят бетге джарашыу.
Таш ата билмеген, башына урур.
Кёз – сюйген джерде, къол – ауругъан джерде.
Ата Джуртча джер болмаз, туугъан элча эл болмаз.
Сабий кёргенин унутмаз.
Суугъа – чабакъ, къаягъа – ыргъакъ.
Бастасын ашагъан, хантусун да ичер.
Сибиртки да сыйлы болду, кюрек да кюнлю болду.
Бал – татлы, балдан да бала – татлы.
Къарыусузгъа кюлме, онгсузгъа тийме.
Уллу сёзде уят джокъ.
Кёб ант этген, кёб ётюрюк айтыр.
Кёлю джокъну – джолу джокъ.
Къарнынг ауруса, ауузунгу тый
Къыз чыгъаргъан – къызыл къымжа.
Ёзденликни джайгъан – джокълукъ.
Билим – акъылны чырагъы.
Нафысынгы айтханын этме, намысынгы айтханын эт.
Эл тойса, тоймагъан, эл къойса, къоймагъан.
Накъырда – кертини келечиси.
Ишлерге уял да, ашаргъа табма.