- Халкъны джырын джырласанг, халкъ санга эжиу этер.
- Джырына кёре эжиую.
- Биреу ашаб къутулур, биреу джалаб тутулур.
- Атлыны кёрсе, джаяуну буту талыр.
- Иги джашны ышаны – аз сёлешиб, кёб тынгылар.
- Билеги кючлю, бирни джыгъар, билими кючлю, мингни джыгъар.
- Урунуу – насыбны анасы.
- Юй кюйдю да, кюйюз чыкъды, ортасындан тюйюш чыкъды.
- Кюлме джашха – келир башха.
- Ач къалгъандан, кеч къалгъан къолай.
- Къарнынг къанлынга кийирир.
- Тёзген – тёш ашар!
- Кёзю сокъурдан – къоркъма, кёлю сокъурдан – къоркъ.
- Окъуу – билимни ачхычы, окъуу – дунияны бачхычы.
- Юреннген ауруу къалмаз.
- Чабакъ башындан чирийди.
- Кесине оноу эте билмеген, халкъына да эте билмез.
- Адамны адамлыгъы къыйынлыкъда айгъакъланады.
- Дуния аламаты сен эсенг да, игиме деб айтма.
- Окъуусуз билим – джокъ, билимсиз кюнюнг – джокъ.
- Ётюрюкчюню шагъаты – къатында.
- Иги адамны бир сёзю эки болмаз.
- Ёлмесенг да, къарт дамы болмазса?
- Кесине гебен этелмеген, биреуге черен эте эди.
- Тыш элде солтан болгъандан эсе, кесинги элде олтан болгъан игиди!
- Байлыкъ тауусулур, билим тауусулмаз.
- Билими азны – ауузунда кирит.
- Кийимни бир кюнню аясанг, минг кюннге джарар.
- Айранын берсенг, челегин да къызгъанма.
- Уллу къашыкъ эрин джыртар.
- Аман адамны тепсинге олтуртсанг, къызынгы тилер.
- Байлыкъ адамны сокъур этер.
- Къарны аманнга къазан такъдырма, къолу аманнга от джакъдырма.
- Тилде сюек болмаса да, сюек сындырыр.
- Къыз чыгъаргъан – къызыл къымжа.
- Тешик этген тынчды, аны джамагъан къыйынды.
- Ашлыкъны арба юйге келтирир, чана базаргъа элтир.
- Кёбню кёрген – кёб билир.
- Насыб бютеу халкъны юлюшюдю.
- Къобан да къуру да къобханлай турмайды, адам да къуру да патчахлай турмайды.
- Къатын байлыкъны сюер, эр саулукъну сюер.
- Тамчы таш тешер.
- Ачны эсинде – аш.
- Этни да ашады, бетни да ашады.
- Иги болса, тамадама – махтау, аман болса, меннге – айыб.
- Борчунг бар эсе, хурджунунга ойлаб узал.
- Окъугъан озар, окъумагъан тозар.
- Таукел къуру къалмаз.
- Аз айтсам, кёб ангылагъыз.
- Эр абынмай, эл танымаз.
Новый альбом
03.08.2016