Эльбрусоид :: Эльбрусоид

Аякъларынгы джууургъанынга кёре узат.
Сыфатында болмагъаны, суратында болмаз.
Юре билмеген ит, къонакъ келтирир.
Тин – байлыгъынг, терен саулугъунг.
Аууздан келген, къолдан келсе, ким да патчах болур эди.
Чомартны къолу берекет.
Къанны къан бла джуума, аманны аман бла къуума.
Ашхы адам – халкъ байлыгъы, ашхы джер – джашау байлыгъы.
Дженгил джетерикме деб, узун джолну къоюб, къысхасын барма.
Билим къая тешер.
Ашхы тенг джолгъа салыр, аман тенг джолдан тайдырыр.
Къыз тиширыу кеси юйюнде да къонакъды.
Атадан ёксюз – бир ёксюз, анадан ёксюз – эки ёксюз.
Эл ауузу – элия.
Къарын къуру болса, джюрек уру болур.
Чомарт къолда мал къалмаз.
Алим болгъандан эсе, адам болгъан къыйынды.
Ашлыкъны арба юйге келтирир, чана базаргъа элтир.
Джетген къыз джерли эшекни танымаз.
Уллу сёлешме да, уллу къаб.
Билим насыб берир, билим джолну керир.
Окъдан джара эртде-кеч болса да бителир, сёз джара, ёмюрге къалыр.
Узун джолну барсанг, бюгюн келирсе, къысха джолну барсанг, тамбла келирсе.
Джаз бир кюнню джатсанг, къыш талай кюнню абынырса.
Тойгъан джерден туугъан джер игиди.
Кютгени беш эчки, сызгъыргъаны уа, джерни джарады.
Ашыкъгъанны этеги бутуна чырмалыр.
Ариу сёз – къылычдан джити.
Эки элинги тыйсанг, джети элде махталырса.
Айыбны суу бла джууалмазса.
Джан саулукъ бермей, сан саулукъ бермезсе.
Махтаннган къыз, тойда джукълар.
Ёнгкюч къууана барыр, джылай келир.
Ауузу аманнга «иги», деме.
Тенги кёбню джау алмаз, акъылы кёбню дау алмаз.
Акъылсызны джууукъгъа алма, акъыллыны кенгнге салма.
Тойну къарнашы – харс, джырны къарнашы – эжиу.
Къарнынг бла ёч алма.
Джаралыны джастыгъында сау ёлюр.
Босагъагъа джууукъ орун болса, ашыгъыб тёрге озма.
Накъырданы арты керти болур.
Чалманны аллы къалай башланса, арты да алай барады.
Баш болса, бёрк табылыр.
Чомартха Тейри да борчлуду.
Кесинге джетмегенни, кёб сёлешме.
Аман хансны – урлугъу кёб.
Тюзлюк тас болмайды.
Арпа, будай – ащды, алтын, кюмюш а – ташды.
Керти сёзге тёре джокъ.
Чакъырылмагъан къонакъ – орунсуз.