Эльбрусоид :: Эльбрусоид

Арпа, будай – ащды, алтын, кюмюш а – ташды.
Тура эдим джата, къайдан чыкъды хата?
Акъыллы айтыр эди, акъылсыз къоймайды.
Тил бла келеди джыр да.
Болджал ишни бёрю ашар.
Байны къызы баймакъ болса да, юйде къалмаз!
Хар зат кесини орнуна иги.
Айырылмаз джууугъунга, унутмаз сёзню айтма.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Мени джылытмагъан кюн, меннге тиймесин!
Джерни букъусу кёкге къонмаз.
Сабыр джетер муратха, сабырсыз къалыр уятха.
Билим насыб берир, билим джолну керир.
Биреуге кёлтюрген таягъынг, кесинги башынга урур.
Иши джокъну, сыйы джокъ.
Къалгъан ишге къар джауар.
Арбаз сайлама да, хоншу сайла.
Аш берме да, къаш бер.
Джахил болса анасы, не билликди баласы?
Орундукъ тюбюнде атылсам да, орта джиликме, де да айлан.
Кесине оноу эте билмеген, халкъына да эте билмез.
Биреу къой излей, биреу той излей.
Чабакъ башындан чирийди.
Джауумдан сора, кюн кюйдюрюр, ётюрюкден сора, айыб кюйдюрюр.
Чомарт къолда мал къалмаз.
Окъумагъан сокъурду, сокъур ташха абыныр!
Ёнгкюч къууана барыр, джылай келир.
Тойгъа барсанг, тоюб бар, эски тонунгу къоюб бар.
Ишленмеген джаш – джюгенсиз ат, ишленмеген къыз – тузсуз хант.
Кёл ашады да, кеси ашады.
Къарны аманнга къазан такъдырма, къолу аманнга от джакъдырма.
Рысхы – насыбха къор.
Алма терегинден кери кетмез.
Джол бла сёзню къыйыры джокъ.
Ёлген эшек бёрюден къоркъмайды.
Тенги кёбню джау алмаз, акъылы кёбню дау алмаз.
Ашыкъгъан cуу, тенгизге джетмез.
Харам къарнашдан, халал тенг ашхы.
Зар адамны насыбы болмаз.
Кийимни бир кюнню аясанг, минг кюннге джарар.
Башы ишлегенни, ауузу да ишлер.
Кёзю сокъурдан – къоркъма, кёлю сокъурдан – къоркъ.
Таукел тауну аудурур.
Аман къатын сабий табса, бий болур…
Кёзню ачылгъаны – иги, ауузну джабылгъаны – иги.
Душманны тышы – акъ, ичи – къара.
Юйюнгден чыкъдынг – кюнюнгден чыкъдынг.
Таукел къуру къалмаз.
Юй ишлеген балта эшикде къалыр.
Иги джашны ышаны – аз сёлешиб, кёб тынгылар.