- Хоншуну тауугъу къаз кёрюнюр, келини къыз кёрюнюр.
- Къумурсхала джыйылсала, пилни да джыгъадыла.
- Эли джокъну – кёлю джокъ.
- Иги – алгъыш этер, аман – къаргъыш этер.
- Къарын къуру болса, джюрек уру болур.
- Халкъгъа джарагъан, джарлы къалмаз.
- Кийимни бир кюнню аясанг, минг кюннге джарар.
- Эл элде бирер малынг болгъандан эсе, бирер тенгинг болсун.
- Эринчекге кюн узун.
- Адам сёзге тынгыла, акъыл сёзню ангыла.
- Аман хансны – урлугъу кёб.
- Мал ёлсе, сюек къалыр, адам ёлсе, иши къалыр.
- Харам къарнашдан, халал тенг ашхы.
- Къошда джокъгъа – юлюш джокъ.
- Аманны эки битли тону болур, бирин сеннге кийдирир, бирин кеси киер.
- Джуртун къоругъан озар.
- Хаухну атма, ёнгкючню сатма.
- Насыб бютеу халкъны юлюшюдю.
- Бир онгсуз адам адет чыгъарды, деб эштирик тюлсе.
- Ашарыкъда сайлагъаннга – чий гырджын.
- Сибиртки да сыйлы болду, кюрек да кюнлю болду.
- Айранны сюйген, ийнек тутар.
- Алма терегинден кери кетмез.
- Ёксюзню къалачы уллу кёрюнюр.
- Эшекге миннген – биринчи айыб, андан джыгъылгъан – экинчи айыб.
- Джарлы эскисин джамаса, къууаныр.
- Джолда аягъынга сакъ бол, ушакъда тилинге сакъ бол.
- Шекер бла туз – бир болмаз, ушамагъан – юй болмаз.
- Аман адам этегингден тутса, кес да къач.
- Эл тойса, тоймагъан, эл къойса, къоймагъан.
- Ханы къызы буюгъа-буюгъа киштик болду.
- Сабийни джумушха джибер да, ызындан бар.
- Аджалсыз ёлюм болмаз.
- Башынга джетмегенни сорма.
- Адамны джюреги нени кёрюрге сюйсе, кёзю да аны кёрюрге ёч болады.
- Билген билмегенни юретген адетди.
- Намысы джокъну – дуниясы джокъ.
- Тилчи тилден къаныкъмаз.
- Адам сёзюнден белгили.
- Сёз сёзню айтдырыр.
- Чабакъсыз кёлге къармакъ салгъанлыкъгъа, чабакъ тутмазса.
- Тиширыусуз юй – отсуз от джагъа.
- Билим – акъылны чырагъы.
- Аман эсирсе, юйюн ояр.
- Байма, деб да, къууанма, джарлыма, деб да, джылама.
- Юйлю уругъа ит чабмаз.
- Тешигини къатында, чычхан да батыр болур.
- Аманнга да, игиге да оноусуз къатышма.
- Алгъанда – джууукъ, бергенде – джау.
- Экеулен сёлеше тура эселе, орталарына барыб кирме.
Новый альбом
03.08.2016