Эльбрусоид :: Эльбрусоид

Ач бёрюге мекям джокъ.
Кимни – тили, тиши онглу, кимни – къолу, иши онглу.
Кюн – узун, ёмюр – къысха.
Ата Джуртуму башы болмасам да, босагъасында ташы болайым.
Артына баргъанны, къатына барма.
Акъыллы эркиши атын махтар, акъылсыз эркиши къатынын махтар.
Мени джылытмагъан кюн, меннге тиймесин!
Чабакъгъа акъыл, табагъа тюшсе келеди.
Чомартны къолу берекет.
Экеулен сёлеше тура эселе, орталарына барыб кирме.
Ачлыкъ отха секиртир.
Чабар ат – джетген къыз.
Иги – алгъыш этер, аман – къаргъыш этер.
Джырчы ёлсе, джыры къалыр.
Намысы джокъну – дуниясы джокъ.
Эллинг бла джау болсанг да, юйюнг бла джау болма.
Сууда джау джокъ, кёб сёзде магъана джокъ.
Башсыз урчукъ тюзюне айланмаз.
Ойнаб айтсанг да, эслеб айт.
Айтхан сёзюне табылгъан.
Ата – баланы уясы.
Аман къатын сабий табса, бий болур…
Кёрмегеннге кебек – танг, битмегеннге сакъал – танг.
Ишленмеклик адамлыкъды.
Къарнынг бла ёч алма.
Кирсизни – саны таза, халалны – къаны таза.
Къыз чыгъаргъан – къызыл къымжа.
Къатыны харакетли болса, эри къымсыз болур.
Аз айтсам, кёб ангылагъыз.
Ана кёлю – балада, бала кёлю – талада.
Тойгъан джерден туугъан джер игиди.
Малны кют, джерни тюрт.
Сютню башын джалагъан къутулур, тюбюн ичген тутулур.
Сагъышы джокъ – джукъучу, акъылы джокъ – къаугъачы.
Кёз – сюйген джерде, къол – ауругъан джерде.
Тойну къарнашы – харс, джырны къарнашы – эжиу.
Кёзюнде тереги болгъан, чёбю болгъаннга кюле эди.
Уллу къашыкъ эрин джыртар.
Юре билмеген ит, къонакъ келтирир.
Окъ къызбайны джокълайды.
Халкъгъа джарагъан, джарлы къалмаз.
Сёлеш деб шай берген, тохта деб, сом берген.
Сабий кёргенин унутмаз.
Эркишини аманы тиширыуну джылатыр.
Кесине оноу эте билмеген, халкъына да эте билмез.
Тилчи тилден къаныкъмаз.
Биреу къой излей, биреу той излей.
Бозанг болмагъан джерге, къалагъынгы сукъма.
Тамбла алтындан бюгюн багъыр ашхы.
Къызны минг тилер, бир алыр.