- Ашда – бёрю, ишде – ёлю.
- Биреуге кёлтюрген таягъынг, кесинги башынга урур.
- Тойгъа алгъа да барма, тойда артха да къалма.
- Акъыл неден да кючлюдю.
- Намысы джокъну – дуниясы джокъ.
- Экеу тутушса, биреу джыгъылыр.
- Эки къатын алгъанны къулагъы тынгнгаймаз.
- Къызгъанчдан ычхыныр, мухардан ычхынмаз.
- Ишленмеклик адамлыкъды.
- Сёз – кюмюш, джыр – алтын.
- Аджашханны ызындагъы кёреди, джангылгъанны джанындагъы биледи.
- Таугъа чыгъаллыкъ эсенг, тюзде къалма.
- Эринчекге кюн узун.
- Къонакъ аман болса, къонакъбай джунчур
- Аманнга да, игиге да оноусуз къатышма.
- Ач къарынны, токъ билмез
- Кёпюр салгъан кеси ётер, уру къазгъан кеси кетер.
- Къонакъ болсанг, ийнакъ бол.
- Сыфатында болмагъаны, суратында болмаз.
- Этим кетсе да, сюегим къалыр.
- Джюрекге ариу – кёзге да ариу.
- Игиге айтсанг – билир, аманнга айтсанг – кюлюр.
- Кёб джат да, бек чаб.
- Баргъанынга кёре болур келгенинг.
- Aдам боллукъ, сыфатындан белгили.
- Иесиз малны бёрю ашар.
- Ёлген эшек бёрюден къоркъмайды.
- Керти сёзге тёре джокъ.
- Артына баргъанны, къатына барма.
- Чоюнну башы ачыкъ болса, итге уят керекди.
- Баланы адам этген анады.
- Кёлю джокъну – джолу джокъ.
- Тура эдим джата, къайдан чыкъды хата?
- Къууут – джелге, берне – бошха.
- Джумушакъ терекни къурт ашар.
- Бастасын ашагъан, хантусун да ичер.
- Ауругъаннга – кийик саулукъ, джетген къызгъа – чилле джаулукъ.
- Джаш болсун, къыз болсун, акъылы, саны тюз болсун.
- Тилчиден кери бол.
- Рысхысына кёре, джаш ёсер, къышлыгъына кёре, мал ёсер.
- Экиндини кеч къылсанг, чабыб джетер ашхам.
- Билмейме деген – бир сёз
- Бети къызарыучу адамны, джюреги харам болмаз.
- Ичимден чыкъды хата, къайры барайым сата?
- Байлыкъ болгъан джерде, тынчлыкъ джокъду.
- Бет бетге къараса, бет да джерге къарар.
- Кёбню кёрген – кёб билир.
- Къазанны башы ачыкъ болса, итге уят керекди.
- Джыйырма къойну юч джыйырма эбзе кюте эди.
- Ата джурт – алтын бешик.
|
adaniyal
|
