- Ашлыкъ – бюртюкден, джюн – тюкден.
- Сабийни джумушха джибер да, ызындан бар.
- Шайтан алдады, тюзлюк къаргъады.
- Джарлы джети элни сёзюн этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Ат да турмайды бир териде.
- Джуртун къоругъан озар.
- Къар – келтирди, суу – элтди.
- Иги адам абынса да, джангылмаз.
- Тик ёргени, тик энгишгеси да болады.
- Чалманны аллы къалай башланса, арты да алай барады.
- Биреуге кёлтюрген таягъынг, кесинги башынга урур.
- Таш бла ургъанны, аш бла ур.
- Артына баргъанны, къатына барма.
- Уллу къазанда бишген эт, чий къалмаз.
- Къарнынг бла ёч алма.
- Рысхы – сют юсюнде кёмюк кибикди.
- Уллу сёлешме да, уллу къаб.
- Къызгъанчдан ычхыныр, мухардан ычхынмаз.
- Сагъыш – къартлыкъгъа сюйюмчю.
- Сёз – кюмюш, джыр – алтын.
- Намыс сатылыб алынмайды.
- Адамгъа аман кюн соруб келмейди.
- Тай асырагъан, атха минер.
- Адеби болмагъан къыз – тузсуз хант.
- Тили узунну, намысы – къысха.
- Сёз садакъдан кючлюдю.
- Аллахха ийнаннган кишини, Аллах онгдурур ишин.
- Ёгюзню мюйюзлери ауурлукъ этмейдиле.
- Бал чибинни ургъаны – ачы, балы – татлы.
- Ишлерге уял да, ашаргъа табма.
- Кёбню кёрген – кёб билир.
- Аллахдан тилесенг, кёб тиле.
- Аманны тукъумуна къарама, игини тукъумун сорма.
- Акъыл бла адеб эгизледиле.
- Экеулен сёлеше тура эселе, орталарына барыб кирме.
- Адам боллукъ, атламындан белгили болур.
- Эртде тургъан джылкъычыны эркек аты тай табар.
- Хата – гитчеден.
- Иги болса, тамадама – махтау, аман болса, меннге – айыб.
- Ачлыкъда тары гырджын халыуадан татлы.
- Къонакъ хазыр болгъанлыкъгъа, къонакъбай хазыр тюлдю.
- Бозанг болмагъан джерге, къалагъынгы сукъма.
- Къонакъ аз олтурур, кёб сынар.
- Байдан умут эте, джарлыдан ёгюз багъасы къорады.
- Бюгюн дуния кибик, тамбла ахыратды.
- Биреуге аманлыкъны тилеме да, кесинге ашхылыкъны тиле.
- Айырылмаз джууугъунга, унутмаз сёзню айтма.
- Этни бети бла шорпасы.
- Сабийликде юретмесенг, уллу болса – тюзелмез.
|
adaniyal
|
