Эльбрусоид :: Эльбрусоид

Татлы тилде – сёз ариу, чемер къолда – иш ариу.
Орну джокъну – сыйы джокъ.
Ётген ёмюр – акъгъан суу.
Терек ауса, отунчу – кёб.
Биреуге аманлыкъ этиб, кесинге игилик табмазса.
Аурууну келиую тынч, кетиую – къыйын.
Тёгюлген тюгел джыйылмайды.
Ашаса, ашамаса да, бёрюню ауузу – къан.
Бет бетге къараса, бет да джерге къарар.
Аллахдан тилесенг, кёб тиле.
Керилген да, ургъан кибикди.
Таякъ этден ётер, тил сюекден ётер.
Бек ашыкъгъан меннге джетсин, дегенди аракъы.
Минг тенг да азды, бир джау да кёбдю.
Джол бла сёзню къыйыры джокъ.
Адам сёзге тынгыла, акъыл сёзню ангыла.
Ёлмесенг да, къарт дамы болмазса?
Къан бла кирген, джан бла чыгъар.
Ауузу бла къуш тута айланады.
Тенги кёбню джау алмаз, акъылы кёбню дау алмаз.
Джаханимни кёрмей, джандетге кёл салмазса.
Арба аугъандан сора, джол кёргюзтюучю кёб болур.
Ана къойну – балагъа джандет.
Келинин тута билмеген, къул этер, къызын тута билмеген, тул этер.
Ёзденликни кёбю ётюрюк.
Къонагъы джокъну – шоху джокъ.
Бир абыннган – минг сюрюнюр.
Чабар ат – джетген къыз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тойгъа алгъа да барма, тойда артха да къалма.
Джумушакъ сёз къаты таякъны сындырыр.
Джашынгы кесинг юретмесенг, джашау юретир.
Ишни ахырын ойламай, аллын башлама.
Ариу сёзде ауруу джокъ.
Хар зат кесини орнуна иги.
Ышармагъан – кюлмез, кюлмеген – къууанчны билмез.
Бети – къучакълар, джюреги – бычакълар.
От кюйдюрген, сау болса да, тот кюйдюрген, сау болмаз.
Билеги кючлю, бирни джыгъар, билими кючлю, мингни джыгъар.
Эринчекни аурууу – кёб.
Адам къаллай бир ишленмесе, аллай бир кесин уллу кёреди.
Узун джолну барсанг, бюгюн келирсе, къысха джолну барсанг, тамбла келирсе.
Атлыны ашхысы, ат тизгининден билинир
Къызгъанчдан ычхыныр, мухардан ычхынмаз.
Болджал ишни бёрю ашар.
Къыйынлы джети элни къайгъысын этер.
Айныгъанлы алты кюн, тогъайгъанлы тогъуз кюн.
Кюл тюбюндеги от кёрюнмейди.
Акъыллы эркиши атын махтар, акъылсыз эркиши къатынын махтар.
Билимли ёлмез, билимсиз кёрмез.