Эльбрусоид :: Эльбрусоид

Ойнай-ойнай кёз чыгъар.
Чабакъсыз кёлге къармакъ салгъанлыкъгъа, чабакъ тутмазса.
Ариу сёз – джаннга азыкъ, аман сёз – башха къазыкъ.
Къартны бурнун сюрт да, оноугъа тут.
Аман эсирсе, юйюн ояр.
Ишлемеген – тишлемез.
Кютгени беш эчки, сызгъыргъаны уа, джерни джарады.
Азыкъ аз болса, эртде орун сал.
Айтылгъан сёз ызына къайтмаз.
Къонагъынгы артмагъын алма да, алгъышын ал.
Асхат ашлыкъ сата, юйдегиси ачдан къата.
Босагъагъа джууукъ орун болса, ашыгъыб тёрге озма.
Сескекли кесин билдирир.
Зарда марда джокъ.
Ёлген ийнек сютлю болур.
Ач къарынны, токъ билмез
Адебни адебсизден юрен.
Кесинге джетмегенни, кёб сёлешме.
Чакъырылмагъан джерге барма, чакъырылгъан джерден къалма.
Мен да «сен», дейме, сен да «кесим», дейсе.
Тюзню ётмеги тюзде къалса да, тас болмаз.
Орну джокъну – сыйы джокъ.
Азыгъы аз, алгъа къабар, аты аман, алгъа чабар.
Ариуну – ауруу кёб.
Джахил болса анасы, не билликди баласы?
Юй кюйдю да, кюйюз чыкъды, ортасындан тюйюш чыкъды.
Тёрде – темир таякълы, къаяда – чыпчыкъ аякълы.
Эртде тургъан джылкъычыны эркек аты тай табар.
Байлыкъ болгъан джерде, тынчлыкъ джокъду.
Ата Джуртча джер болмаз, туугъан элча эл болмаз.
Мухардан ач ычхынмаз.
Аманны тукъумуна къарама, игини тукъумун сорма.
Сёз садакъдан кючлюдю.
Къыз чыгъаргъан – къызыл къымжа.
Аууздан келген, къолдан келсе, ким да патчах болур эди.
Ишни аллы бла къууанма да, арты бла къууан.
Сёз – кюмюш, джыр – алтын.
Аджаллыгъа окъсуз шкок атылыр.
Окъугъанны бети джарыкъ.
Ашхы сёз таш тешер.
Мал тутхан – май джалар.
Кюн – узун, ёмюр – къысха.
Башы джабылгъан челекге, кир тюшмез.
Эшекге миннген – биринчи айыб, андан джыгъылгъан – экинчи айыб.
Ёлюр джаннга, ёкюл джокъ.
Ашына кёре табагъы, балына кёре къалагъы.
Алтыда кюлмеген, алтмышда кюлмез.
Ачны эсинде – аш.
Чомартны къолу берекет.
Ашын ашагъанынгы, башын да сыйла.