Эльбрусоид :: Эльбрусоид

Аманны тукъумуна къарама, игини тукъумун сорма.
Байлыкъ тауусулур, билим тауусулмаз.
Баш болса, бёрк табылыр.
Кёбню кёрген – кёб билир.
Борчунг бар эсе, хурджунунга ойлаб узал.
Тойчу джашха къарама, къойчу джашха къара.
Джылкъыдан – ат чыгъар, тукъумдан – джаш чыгъар.
Ана къойну – балагъа джандет.
Эркишини аманы тиширыуну джылатыр.
Аз сёлешген, къайгъысыз турур.
Ашхы сёз таш тешер.
Ашда – бёрю, ишде – ёлю.
Къартны бурнун сюрт да, оноугъа тут.
От этилмеген джерден тютюн чыкъмайды.
Ач къарным, тынч къулагъым.
Кюлме джашха – келир башха.
Айраннга суу къош, телиге джол бош.
Ариуну – ауруу кёб.
Ач къарынны, токъ билмез
Магъанасыз сёз – тауушсуз сыбызгъы.
Хоншуну тауугъу къаз кёрюнюр, келини къыз кёрюнюр.
Мени джылытмагъан кюн, меннге тиймесин!
Къыз келсе, джумуш эте келеди, къатын келсе, ушакъ эте келеди.
Байлыкъ келсе, акъыл кетер.
Биреу ашаб къутулур, биреу джалаб тутулур.
Билимден уллу байлыкъ джокъду.
Чакъырылмагъан джерге барма, чакъырылгъан джерден къалма.
Ёлген аслан – сау чычхан.
Къобан да къуру да къобханлай турмайды, адам да къуру да патчахлай турмайды.
Къарыусузгъа кюлме, онгсузгъа тийме.
Ата Джуртуму башы болмасам да, босагъасында ташы болайым.
Къарын къуру болса, джюрек уру болур.
Къуру гыбыт бек дыгъырдар.
Юй кюйдю да, кюйюз чыкъды, ортасындан тюйюш чыкъды.
Азыкъ аз болса, эртде орун сал.
Ётюрюкден тюбю джокъ, кёлтюрюрге джиби джокъ.
Зар адам ашынгы ашар, кесинги сатар.
Игиге айтсанг – билир, аманнга айтсанг – кюлюр.
Тюз сёз баргъан сууну тыяр.
Ариу сёзде ауруу джокъ.
Джетген къыз джерли эшекни танымаз.
Ач отунчуну ачыуу – бурнунда.
Ашаса, ашамаса да, бёрюню ауузу – къан.
Къатын байлыкъны сюер, эр саулукъну сюер.
Кийимни бир кюнню аясанг, минг кюннге джарар.
Танг атмайма десе да, кюн къоярыкъ тюйюлдю.
Эки къатын алгъан – эки ташны ортасына башын салгъан.
Чабакъгъа акъыл, табагъа тюшсе келеди.
Адебни адебсизден юрен.
Ёнгкюч къууана барыр, джылай келир.