- Малны кют, джерни тюрт.
- Аман киши кеси юйюнде – къонакъ.
- Эки элинги тыйсанг, джети элде махталырса.
- Айырылгъанланы айю ашар, бёлюннгенлени бёрю ашар.
- Ётюрюкню къуйругъу – бир тутум.
- Тёрдеги кюлсе, эшикдеги ышарыр.
- Ариу – кёзге, акъыл – джюрекге.
- Кюлме джашха – келир башха.
- Тынгылагъан тынгы бузар.
- Ишленмеген джаш – джюгенсиз ат, ишленмеген къыз – тузсуз хант.
- Азыкъ аз болса, эртде орун сал.
- Кёлсюзден сёзсюз тууар.
- Биреуге аманлыкъ этиб, кесинге игилик табмазса.
- Бек ашыкъгъан меннге джетсин, дегенди аракъы.
- Билим ат болуб да чабар, къуш болуб да учар.
- Уллу къашыкъ эрин джыртар.
- Къобан да къуру да къобханлай турмайды, адам да къуру да патчахлай турмайды.
- Атлыны ашхысы, ат тизгининден билинир
- Ёгюзню мюйюзюнден тутадыла, адамны сёзюнден тутадыла.
- Арпа, будай – ащды, алтын, кюмюш а – ташды.
- Аджал соруб келмез, келсе, къайтыб кетмез.
- Нёгер болсанг, тенг бол, тенг болмасанг, кенг бол.
- Байлыкъ тауусулур, билим тауусулмаз.
- Ёзденликни джайгъан – джокълукъ.
- Къонагъынгы артмагъын алма да, алгъышын ал.
- Уллу айтханны этмеген – уллаймаз.
- Бети – къучакълар, джюреги – бычакълар.
- Кийимни бир кюнню аясанг, минг кюннге джарар.
- Джолда аягъынга сакъ бол, ушакъда тилинге сакъ бол.
- Джеринден айырылгъан – джети джылар, джуртундан айырылгъан – ёлгюнчю джылар.
- Адамны сыфатына къарама, сёзюне къара.
- Ачыкъ джюрекге джол – ачыкъ.
- Кюл тюбюндеги от кёрюнмейди.
- Ач – эснер, ат – кишнер.
- Чакъырылмай келген къонакъ сыйланмай кетер.
- Къартны сыйын кёрмеген, къартлыгъында сыйлы болмаз.
- Баш болса, бёрк табылыр.
- Тамбла алтындан бюгюн багъыр ашхы.
- Сютден ауузу кюйген, суугъа юфгюре эди.
- Билимли ёлмез, билимсиз кёрмез.
- Эркишиге тары кебек танг кёрюнюр.
- Кимни – тили, тиши онглу, кимни – къолу, иши онглу.
- Этим кетсе да, сюегим къалыр.
- Джылкъыдан – ат чыгъар, тукъумдан – джаш чыгъар.
- Суу да къайтады чыкъгъан джерине.
- Бозанг болмагъан джерге, къалагъынгы сукъма.
- Мураты болгъанны джюрек тебюую башхады.
- Кёзню ачылгъаны – иги, ауузну джабылгъаны – иги.
- Агъач халкъгъа алтынды, иссиликге салкъынды.
- Къуру гыбыт бек дыгъырдар.