Эльбрусоид :: Эльбрусоид

Аз сёлешген, къайгъысыз турур.
Къан бла кирген, джан бла чыгъар.
Тамырсыз терекге таянма – джыгъылырса.
Тин – байлыгъынг, терен саулугъунг.
Эл бла кёргенинг эрелей.
Ашхы тенг джолгъа салыр, аман тенг джолдан тайдырыр.
Ауругъан – джашаудан умутчу.
Адам туугъан джеринде, ит тойгъан джеринде.
Джаш къарыу бла кючлю, къарт акъыл бла кючлю.
Къошда джокъгъа – юлюш джокъ.
Акъыл сабырлыкъ берир.
Ханнга да келеди хариблик.
Джан саулукъ бермей, сан саулукъ бермезсе.
Джарашыу сюйген – джалынчакъ.
Ойнай-ойнай кёз чыгъар.
Эки элинги тыйсанг, джети элде махталырса.
Джахил болса анасы, не билликди баласы?
Гугурук къычырмаса да, тангны атары къалмаз.
Тенгинг джокъ эсе – изле, бар эсе – сакъла!
Къайтырыкъ эшигинги, къаты уруб чыкъма.
Эски джаугъа ышанма.
Аманны эки битли тону болур, бирин сеннге кийдирир, бирин кеси киер.
Ханы къызы буюгъа-буюгъа киштик болду.
Окъуу – билимни ачхычы, окъуу – дунияны бачхычы.
Намысы болмагъанны, сыйы болмаз.
Кёбден умут этиб, аздан къуру къалма.
Мадар болса, къадар болур.
Эки ойлашыб, бир сёлешген.
Джашлыкъ этмеген, башлыкъ этмез.
Кийимни бир кюнню аясанг, минг кюннге джарар.
Ёлмесенг да, къарт дамы болмазса?
Адеб этмеген, адеб кёрмез.
Термилгенинги табмазса, кюлгенинге тюберсе.
Сёз сёзню айтдырыр.
Кийимни бичсенг, кенг бич, тар этген къыйын тюлдю.
Тил – миллетни джаны.
Къонакъ хазыр болгъанлыкъгъа, къонакъбай хазыр тюлдю.
Чомартны къолу берекет.
Аууздан келген, къолдан келсе, ким да патчах болур эди.
Акъыллы башны – тили къысха.
Тулпарлыкъ, билекден тюл – джюрекден.
Ойнаб айтсанг да, эслеб айт.
Ариуну – ауруу кёб.
Мал ёлсе, сюек къалыр, адам ёлсе, иши къалыр.
Гугук кесини атын айтыб къычыргъанча, мен, мен деб нек тураса?
Къыйынлы джети элге оноу этер.
Атлыны ашхысы, ат тизгининден билинир
Джигер – джаннга къыйынлыкъ.
Тёзгеннге, джабылгъан эшик ачылыр.
Джангызны оту джарыкъ джанмаз!