Эльбрусоид :: Эльбрусоид

Элни кючю – эмеген.
Аурууну келиую тынч, кетиую – къыйын.
Сагъышы джокъ – джукъучу, акъылы джокъ – къаугъачы.
Чомарт джарлы болмаз.
Шекер бла туз – бир болмаз, ушамагъан – юй болмаз.
Эки итни арасына сюек атма, эки адамны арасында сёз чыгъарма.
Къая джолда джортма, ачыкъ сёзден къоркъма.
Джарлы эскисин джамаса, къууаныр.
Сабий болмагъан джерде, мёлек болмаз.
Кёб къычыргъандан – къоркъма, тынч олтургъандан – къоркъ.
Аллахха ийнаннган кишини, Аллах онгдурур ишин.
Юй кюйдю да, кюйюз чыкъды, ортасындан тюйюш чыкъды.
Къарнынг ауруса, ауузунгу тый
Накъырданы арты керти болур.
Ётюрюкден тюбю джокъ, кёлтюрюрге джиби джокъ.
Экеулен сёлеше тура эселе, орталарына барыб кирме.
Адам бла мюлк юлешмеген эсенг, ол адамны билиб бошагъанма, деб кесинги алдама.
Биреуге аманлыкъ этиб, кесинге игилик табмазса.
Адеб джокъда, намыс джокъ.
Джюрек кёзден алгъа кёрюр.
Урунуу – насыбны анасы.
Эски джаугъа ышанма.
Эллинг бла джау болсанг да, юйюнг бла джау болма.
Ишин билген, аны сыйын чыгъарады.
Онгсузну – джакъла, тенгликни – сакъла.
Къуллукъчума, деб махтанма, къуллукъ – хаух джамчыды!
Джылыгъа джылан илешир.
Акъылсызны джууукъгъа алма, акъыллыны кенгнге салма.
Ач уят къоймаз.
Джигер – джаннга къыйынлыкъ.
Кёзден кетген, кёлден да кетеди.
Aдам боллукъ, сыфатындан белгили.
Акъыл сабырлыкъ берир.
Аджалсыз ёлюм болмаз.
Джаш къарыу бла кючлю, къарт акъыл бла кючлю.
Чомартха хар кюн да байрамды.
Аджал соруб келмез, келсе, къайтыб кетмез.
Ауругъаннга – кийик саулукъ, джетген къызгъа – чилле джаулукъ.
Ишни аллы бла къууанма да, арты бла къууан.
Къыйынлы джети элни къайгъысын этер.
Ашарыкъда сайлагъаннга – чий гырджын.
Тешик этген тынчды, аны джамагъан къыйынды.
Кийимни бичсенг, кенг бич, тар этген къыйын тюлдю.
Рысхысына кёре, джаш ёсер, къышлыгъына кёре, мал ёсер.
Тай асырагъан, атха минер.
Билгенни къолу къарны джандырыр.
Ашхы – джыяр, аман – джояр.
Къонагъы джокъну – шоху джокъ.
Алим болгъандан эсе, адам болгъан къыйынды.
Кёзю сокъурдан – къоркъма, кёлю сокъурдан – къоркъ.