- Хатерли къул болур.
- Адам сёзге тынгыла, акъыл сёзню ангыла.
- Аман къатын алгъан, арыр, иги къатын алгъан джарыр.
- Битмегеннге сакъал – танг.
- Юй кюйдю да, кюйюз чыкъды, ортасындан тюйюш чыкъды.
- Тыш элде солтан болгъандан эсе, кесинги элде олтан болгъан игиди!
- Телиге от эт десенг, юйюнге от салыр.
- Иги сеники эсе да, сюйген кесимикин этеме.
- Ариу сёз – къылычдан джити.
- Джарлы эскисин джамаса, къууаныр.
- Окъугъан озар, окъумагъан тозар.
- Къарнынг тойгъунчу аша да, белинг талгъынчы ишле.
- Ёнгкюч къууана барыр, джылай келир.
- Атынг аманнга чыкъгъандан эсе, джанынг тамагъынгдан чыкъсын.
- Джангыз торгъай джырламаз.
- Бек анасы джыламаз.
- Ана кёлю – балада, бала кёлю – талада.
- Аманны къуугъан, аманлыкъ табар.
- Ач – эснер, ат – кишнер.
- Акъыл неден да кючлюдю.
- Айтылгъан буйрукъ, сёгюлмез
- Бозанг болмагъан джерге, къалагъынгы сукъма.
- Атлыны ашхысы, ат тизгининден билинир
- Мухарны эси – ашарыкъда.
- Ашхы атаны – джашы ашхы, ашхы ананы – къызы ашхы.
- Тилчи бир сагъатха айлыкъ хата этер.
- Экиндини кеч къылсанг, чабыб джетер ашхам.
- «Ма», - дегенни билмесенг, «бер», - дегенни билмезсе.
- Тулпарлыкъ, билекден тюл – джюрекден.
- Биреу ашаб къутулур, биреу джалаб тутулур.
- Уллу къашыкъ эрин джыртар.
- Юйюнг бла джау болгъандан эсе, элинг бла джау бол.
- Ёгюзню мюйюзлери ауурлукъ этмейдиле.
- Ашыкъгъанны этеги бутуна чырмалыр.
- Адам къаллай бир ишленмесе, аллай бир кесин уллу кёреди.
- Къыз тиширыу кеси юйюнде да къонакъды.
- Ауругъаннга – кийик саулукъ, джетген къызгъа – чилле джаулукъ.
- Игилик игилик бла сингдирилиучю затды.
- Джетген къыз джерли эшекни танымаз.
- Соргъан айыб тюлдю, билмеген айыбды.
- Чомарт бергенин айтмаз.
- Эрни эр этерик да, къара джер этерик да, тиширыуду.
- Чакъырылмай келген къонакъ сыйланмай кетер.
- Бал чибинни ургъаны – ачы, балы – татлы.
- Кёкдеги болмаса, джердегин кёрмейди.
- Ёлюк кебинсиз къалмаз.
- Тойну къарнашы – харс, джырны къарнашы – эжиу.
- Ач къарынны, токъ билмез
- Байлыкъдан саулукъ ашхыды.
- Къралынгы – душмандан, башынгы от бла суудан сакъла.