Эльбрусоид :: Эльбрусоид

Эркишиге тары кебек танг кёрюнюр.
Ишни аллы бла къууанма да, арты бла къууан.
Биреу ашаб къутулур, биреу джалаб тутулур.
Адамны джюреги нени кёрюрге сюйсе, кёзю да аны кёрюрге ёч болады.
Чомарт джарлы болмаз.
Тели турса – той бузар.
Ётюрюкню къуйругъу – бир тутум.
Ана кёлю – балада, бала кёлю – талада.
Къуллукъчума, деб махтанма, къуллукъ – хаух джамчыды!
Акъыл аздырмаз, билим тоздурмаз.
Ачлыкъда тары гырджын халыуадан татлы.
Эрине къаргъыш этген къатын, эрнин къабар.
Джарлы эскисин джамаса, къууаныр.
Суугъа – чабакъ, къаягъа – ыргъакъ.
Акъылсызны джууукъгъа алма, акъыллыны кенгнге салма.
Ач къарным, тынч къулагъым.
Телиге от эт десенг, юйюнге от салыр.
Джан саулукъ бермей, сан саулукъ бермезсе.
Тай асырагъан, атха минер.
Къайгъы тюбю – тенгиз.
Ата – билек, ана – джюрек!
Аманны эки битли тону болур, бирин сеннге кийдирир, бирин кеси киер.
Тамбла алтындан бюгюн багъыр ашхы.
Юре билмеген ит, къонакъ келтирир.
Аман адам элни бир-бирине джау этер.
Итли къонакъ джарашмаз.
Къатын къылыкъсыз, эр тынчлыкъсыз.
Иги джашны ышаны – аз сёлешиб, кёб тынгылар.
Айранын берсенг, челегин да къызгъанма.
Ачылгъан эт джабылыр, кёрген кёз унутмаз.
Халкъны юйю – туугъан джери.
Бастасын ашагъан, хантусун да ичер.
Мураты болгъанны джюрек тебюую башхады.
Босагъагъа джууукъ орун болса, ашыгъыб тёрге озма.
Байлыкъ болгъан джерде, тынчлыкъ джокъду.
Агъач халкъгъа алтынды, иссиликге салкъынды.
Мухар, кеси тойса да, кёзю тоймаз.
Сескекли кесин билдирир.
Къыз чыгъаргъан – къызыл къымжа.
Адамны сыфатына къарама, сёзюне къара.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ёлген эшек бёрюден къоркъмайды.
Нафысынгы айтханын этме, намысынгы айтханын эт.
Джангыз торгъай джырламаз.
Хата – гитчеден.
Джюрекден джюрекге джол барды.
Насыблы элин сюер, насыбсыз кесин сюер.
Эл ауузу – элия.
Адамны бетине къарама, адетине къара.
Дуния малгъа сатылма, кесингден телиге къатылма.