- Аллахха ийнаннган кишини, Аллах онгдурур ишин.
- Ач, тоймам, дейди, тойгъан, ач болмам, дейди.
- Термилгенинги табмазса, кюлгенинге тюберсе.
- Джыланны къуйругъундан басарынг келсе, аны башы болгъанын унутма.
- Джеринден айырылгъан – джети джылар, джуртундан айырылгъан – ёлгюнчю джылар.
- Экеу тутушса, биреу джыгъылыр.
- Биреу къой излей, биреу той излей.
- Таш бла ургъанны, аш бла ур.
- Мени джылытмагъан кюн, меннге тиймесин!
- Джюрекден джюрекге джол барды.
- Къонакъ аз олтурур, кёб сынар.
- Ата Джуртун танымагъан, атасын да танымаз.
- Къыйынлы джети элни къайгъысын этер.
- Бек анасы джыламаз.
- Уллу атлама – абынырса, уллу къабма – къарылырса.
- Минг тенг да азды, бир джау да кёбдю.
- Ач келгенни – тойдур, кеч келгенни – къондур.
- Чоюнну башы ачыкъ болса, итге уят керекди.
- Байлыкъ болгъан джерде, тынчлыкъ джокъду.
- Эшекни не къадар тюйсенг да, ат болмаз.
- Эл тойса, тоймагъан, эл къойса, къоймагъан.
- Ач къалгъандан, кеч къалгъан къолай.
- Келлик заман – къартлыкъ келтирир, кетген заман – джашлыкъ ёлтюрюр.
- Халкъны джырын джырласанг, халкъ санга эжиу этер.
- Ач – эснер, ат – кишнер.
- Ариу сёз – къылычдан джити.
- Аууздан келген, къолдан келсе, ким да патчах болур эди.
- Эртде тургъан джылкъычыны эркек аты тай табар.
- Ашыкъгъан cуу, тенгизге джетмез.
- Джаз бир кюнню джатсанг, къыш талай кюнню абынырса.
- Айран ичген – къутулду, джугъусун джалагъан – тутулду.
- Рысхысына кёре, джаш ёсер, къышлыгъына кёре, мал ёсер.
- Илму – джашауну джолу.
- Чомарт бергенин айтмаз.
- Кечеси – аяз, кюню – къыш, джарлы къаргъагъа бир аш тюш!
- Эркиши – от, тиширыу – суу.
- Айырылмаз джууугъунга, унутмаз сёзню айтма.
- Иесиз малны бёрю ашар.
- Туз, гырджын аша, тюзлюк бла джаша.
- Кёл – къызбай, къол – батыр.
- Керилген да, ургъан кибикди.
- Ашаса, ашамаса да, бёрюню ауузу – къан.
- Тели турса – той бузар.
- Иги сеники эсе да, сюйген кесимикин этеме.
- Ач къарным, тынч къулагъым.
- Тойгъа алгъа да барма, тойда артха да къалма.
- Борчунг бар эсе, хурджунунга ойлаб узал.
- Итли къонакъ джарашмаз.
- Уллу сёлешме да, уллу къаб.
- Окъ къызбайны джокълайды.