Эльбрусоид :: Эльбрусоид

Арбаз сайлама да, хоншу сайла.
Ойнай билмеген, уруб къачар.
Кёл – къызбай, къол – батыр.
Къазанда болса, чолпугъа чыгъар.
Юйлю уругъа ит чабмаз.
Джыланны къуйругъундан басарынг келсе, аны башы болгъанын унутма.
Тамырсыз терекге таянма – джыгъылырса.
Адамны сабийин сюйген джюреги, бычакъча, джитиди.
Абынмазлыкъ аякъ джокъ, джангылмазлыкъ джаякъ джокъ.
Ачыкъ джюрекге джол – ачыкъ.
Къонагъынгы артмагъын алма да, алгъышын ал.
Джарлы эскисин джамаса, къууаныр.
Ауузу бла къуш тута айланады.
Магъанасыз сёз – тауушсуз сыбызгъы.
Сакъламагъан затынга джолукъсанг, не бек къууанаса, не бек ачыйса.
Накъырда – кертини келечиси.
Бир онгсуз адам адет чыгъарды, деб эштирик тюлсе.
Айтылгъан сёз ызына къайтмаз.
Ургъан суудан башынгы сакъла.
Экиндини кеч къылсанг, чабыб джетер ашхам.
Таугъа чыгъаллыкъ эсенг, тюзде къалма.
Эм ашхы къайын ана мамукъ бла башынгы тешер.
Ач къарным, тынч къулагъым.
Ата – билек, ана – джюрек!
Къуру гыбыт бек дыгъырдар.
Джумушакъ сёз къаты таякъны сындырыр.
Кийимни бир кюнню аясанг, минг кюннге джарар.
Кёзюнде тереги болгъан, чёбю болгъаннга кюле эди.
Адам бла мюлк юлешмеген эсенг, ол адамны билиб бошагъанма, деб кесинги алдама.
Халкъны юйю – туугъан джери.
Къолунгдан къуймакъ ашатсанг да, атаны борчундан къутулмазса.
Акъыл къартда, джашда тюйюлдю – башдады.
Ач уят къоймаз.
Бетинги сатма, малынгы сат.
Къыз тиширыу кеси юйюнде да къонакъды.
Ким бла джюрюсенг, аны кёзю бла кёрюнюрсе.
Байлыкъ тауусулур, билим тауусулмаз.
Джарлыны эшигин махтагъан джабар.
Къонакъ хазыр болгъанлыкъгъа, къонакъбай хазыр тюлдю.
Къарыусузгъа кюлме, онгсузгъа тийме.
Огъурлуну сёзю – суу, огъурсузну сёзю – уу.
Джолда аягъынга сакъ бол, ушакъда тилинге сакъ бол.
Бети – къучакълар, джюреги – бычакълар.
Бозаны арты дауур болур.
Чабакъ башындан чирийди.
Ана – юйню кюн джарыгъы.
Кеси юйюмде мен да ханма.
Къартха ушагъан джаш – акъыллы, джашха ушагъан къарт – тели.
Иги адамны бир сёзю эки болмаз.
Къарнынг бла ёч алма.