Эльбрусоид :: Эльбрусоид

Аш иеси бла татлыды.
Иги сеники эсе да, сюйген кесимикин этеме.
Берекет берсин деген джерде, берекет болур.
Ач келгенни – тойдур, кеч келгенни – къондур.
Адамны сабийин сюйген джюреги, бычакъча, джитиди.
Чомартны къолун джокълукъ байлар.
Аман эсирсе, юйюн ояр.
Тойгъан джерге джети къайт.
Айтхан – тынч, этген – къыйын.
Тиширыусуз юй – отсуз от джагъа.
Аманны эки битли тону болур, бирин сеннге кийдирир, бирин кеси киер.
Сибиртки да сыйлы болду, кюрек да кюнлю болду.
Баланы адам этген анады.
Эринчекни аурууу – кёб.
Атадан ёксюз – бир ёксюз, анадан ёксюз – эки ёксюз.
Хата – гитчеден.
Ана къойну – балагъа джандет.
Тюзню ётмеги тюзде къалса да, тас болмаз.
Билеги кючлю, бирни джыгъар, билими кючлю, мингни джыгъар.
Ачыкъ джюрекге джол – ачыкъ.
Тенгинг джокъ эсе – изле, бар эсе – сакъла!
Экеулен сёлеше тура эселе, орталарына барыб кирме.
Чомартха хар кюн да байрамды.
Кютгени беш эчки, сызгъыргъаны уа, джерни джарады.
Къая джолда джортма, ачыкъ сёзден къоркъма.
Юй кюйдю да, кюйюз чыкъды, ортасындан тюйюш чыкъды.
Эркишиге тары кебек танг кёрюнюр.
Ким бла джюрюсенг, аны кёзю бла кёрюнюрсе.
Тюз сёз баргъан сууну тыяр.
Къатын байлыкъны сюер, эр саулукъну сюер.
Кёб джат да, бек чаб.
Аманнга игилик этсенг, юйюнге сау бармазса.
Айныгъанлы алты кюн, тогъайгъанлы тогъуз кюн.
Байма, деб да, къууанма, джарлыма, деб да, джылама.
Эллинг бла джау болсанг да, юйюнг бла джау болма.
Иги адамны бир сёзю эки болмаз.
Аз сёлешген, къайгъысыз турур.
Чабакъгъа акъыл, табагъа тюшсе келеди.
Айырылмаз джууугъунга, унутмаз сёзню айтма.
Сабий кёргенин унутмаз.
Ана – юйню кюн джарыгъы.
Ашыкъгъанны этеги бутуна чырмалыр.
Садакъачыны джаны – къапчыгъында.
Джогъун бар этген, барын бал этген.
Къазанчы аман болса, къазаны къайнамаз.
Эл бла кёргенинг эрелей.
Къатыны харакетли болса, эри къымсыз болур.
Тилде сюек болмаса да, сюек сындырыр.
Джангыз торгъай джырламаз.
Тилсиз миллет джокъ болур.