Эльбрусоид :: Эльбрусоид

Къолунгдан къуймакъ ашатсанг да, атаны борчундан къутулмазса.
Къарнынг къанлынга кийирир.
Игиге айтсанг – билир, аманнга айтсанг – кюлюр.
Тёрени джагъы джокъ.
Ата Джуртун танымагъан, атасын да танымаз.
Адеби болмагъан къыз – тузсуз хант.
Ёлмесенг да, къарт дамы болмазса?
Чомартны къолу берекет.
Садакъачыны джаны – къапчыгъында.
Байлыкъ келсе, акъыл кетер.
Келинни – келгинчи, бёркню кийгинчи кёр.
Хоншуну тауугъу къаз кёрюнюр, келини къыз кёрюнюр.
Кийимни бир кюнню аясанг, минг кюннге джарар.
Юй кюйдю да, кюйюз чыкъды, ортасындан тюйюш чыкъды.
Аууз сакълагъан – джан сакълар.
Джахил болса анасы, не билликди баласы?
Орну джокъну – сыйы джокъ.
Алма терегинден кери кетмез.
Айныгъанлы алты кюн, тогъайгъанлы тогъуз кюн.
Джаным-тиним – окъуу, билим.
Ичимден чыкъды хата, къайры барайым сата?
Харам къарнашдан, халал тенг ашхы.
Телиге от эт десенг, юйюнге от салыр.
Ашыкъгъанны этеги бутуна чырмалыр.
Джарлы джети элни сёзюн этер.
Окъумагъан сокъурду, сокъур ташха абыныр!
Сибиртки да сыйлы болду, кюрек да кюнлю болду.
Таш бла ургъанны, аш бла ур.
Таугъа чыгъаллыкъ эсенг, тюзде къалма.
Джюрекге ариу – кёзге да ариу.
Джюз элде джюз ёгюзюм болгъандан эсе, джюз джууугъум болсун.
Терек ауса, отунчу – кёб.
Къызын тута билмеген, тул этер, джашын тута билмеген, къул этер.
Биреу къой излей, биреу той излей.
Аман адам этегингден тутса, кес да къач.
Ёзденликни джайгъан – джокълукъ.
Къызгъанчдан ычхыныр, мухардан ычхынмаз.
Билим ат болуб да чабар, къуш болуб да учар.
Келинин тута билмеген, къул этер, къызын тута билмеген, тул этер.
Къар – келтирди, суу – элтди.
Алгъанда – джууукъ, бергенде – джау.
Эки итни арасына сюек атма, эки адамны арасында сёз чыгъарма.
Джаш болсун, къыз болсун, акъылы, саны тюз болсун.
Къазанчы аман болса, къазаны къайнамаз.
Таукел тауну аудурур.
Этни бети бла шорпасы.
Айраннга суу къош, телиге джол бош.
Кёкдеги болмаса, джердегин кёрмейди.
Ишни аллы бла къууанма да, арты бла къууан.
Чакъырылгъанны аты, чакъырылмагъанны багъасы болур.