Эльбрусоид :: Эльбрусоид

Кюн кёрмеген, кюн кёрсе, кюндюз чыракъ джандырыр.
Ёлюр джаннга, ёкюл джокъ.
Намыс сатылыб алынмайды.
Нафысынгы айтханын этме, намысынгы айтханын эт.
Аз сёлешген, къайгъысыз турур.
Ашхы тенг джолгъа салыр, аман тенг джолдан тайдырыр.
Къыз келсе, джумуш эте келеди, къатын келсе, ушакъ эте келеди.
Ким бла джюрюсенг, аны кёзю бла кёрюнюрсе.
Этек чакъмакълары баш джаргъан, сёлешген сёзлери таш джаргъан.
Намыс болмагъан джерде, насыб болмаз.
Зарда марда джокъ.
Ишленмеген джаш – джюгенсиз ат, ишленмеген къыз – тузсуз хант.
Ана – юйню кюн джарыгъы.
Уллу къазанда бишген эт, чий къалмаз.
Накъырданы арты керти болур.
Сууда джау джокъ, кёб сёзде магъана джокъ.
Сибиртки да сыйлы болду, кюрек да кюнлю болду.
Иги болса, тамадама – махтау, аман болса, меннге – айыб.
Адам туугъан джеринде, ит тойгъан джеринде.
Тойгъан антын унутур.
Ойнаб айтсанг да, эслеб айт.
Кийимни бичсенг, кенг бич, тар этген къыйын тюлдю.
Ёксюзню къалачы уллу кёрюнюр.
Окъуу – билимни ачхычы, окъуу – дунияны бачхычы.
Кёл – къызбай, къол – батыр.
Тёзгеннге, джабылгъан эшик ачылыр.
Босагъагъа джууукъ орун болса, ашыгъыб тёрге озма.
Кютгени беш эчки, сызгъыргъаны уа, джерни джарады.
Алим болгъандан эсе, адам болгъан къыйынды.
Кийимни бир кюнню аясанг, минг кюннге джарар.
Джумушакъ терекни къурт ашар.
Экиндини кеч къылсанг, чабыб джетер ашхам.
Къралынгы – душмандан, башынгы от бла суудан сакъла.
Эри аманны, къатыны – аман.
Алма терегинден кери кетмез.
Aдам боллукъ, сыфатындан белгили.
Татлы сёз – балдан татлы.
Баш – акъыл ючюн, акъылман – халкъ ючюн.
Агъач халкъгъа алтынды, иссиликге салкъынды.
Ата джурт – алтын бешик.
Ёлюк кебинсиз къалмаз.
Тура эдим джата, къайдан чыкъды хата?
Билмейме деген – бир сёз
Дуния мал дунияда къалады.
Айтхан сёзюне табылгъан.
Ашхылыкъ джерде джатмайды, аманлыкъ суугъа батмайды.
Тюз сёз баргъан сууну тыяр.
Кёб ант этген, кёб ётюрюк айтыр.
Узун джолну барсанг, бюгюн келирсе, къысха джолну барсанг, тамбла келирсе.
Игини сыйлагъан адетди.