Эльбрусоид :: Эльбрусоид

Дуния аламаты сен эсенг да, игиме деб айтма.
Къыз чыгъаргъан – къызыл къымжа.
Шайтан алдады, тюзлюк къаргъады.
Ауузу бла къуш тута айланады.
Кюн кёрмеген, кюн кёрсе, кюндюз чыракъ джандырыр.
Иги джашны ышаны – аз сёлешиб, кёб тынгылар.
Ачлыкъда тары гырджын халыуадан татлы.
Къолунгдан къуймакъ ашатсанг да, атаны борчундан къутулмазса.
Ач отунчуну ачыуу – бурнунда.
Джеринден айырылгъан – джети джылар, джуртундан айырылгъан – ёлгюнчю джылар.
Билим – акъылны чырагъы.
Къарт болгъан джерде, берекет болур, сабий болгъан джерде, оюн болур.
Тил джюрекге джол ишлейди.
Ётюрюкню башын керти кесер.
Уллу къашыкъ эрин джыртар.
Джырчы ёлсе, джыры къалыр.
Уллу суу бла уллу ауруудан башынгы сакъла.
Ана – юйню кюн джарыгъы.
Малны кют, джерни тюрт.
Соргъан айыб тюлдю, билмеген айыбды.
Къууут – джелге, берне – бошха.
Байма, деб да, къууанма, джарлыма, деб да, джылама.
Къалгъан ишге къар джауар.
Ёлген аслан – сау чычхан.
Джумушакъ сёз къаты таякъны сындырыр.
Иги бла джюрюсенг, джетерсе муратынга, аман бла джюрюсенг, къалырса уятха.
Ариу сёзде ауруу джокъ.
Урунуу – насыбны анасы.
Ариу джол аджал келтирмез.
Термилгенинги табмазса, кюлгенинге тюберсе.
Сормай – алма, чакъырылмай – барма.
Берекет берсин деген джерде, берекет болур.
Ашыкъгъанны этеги бутуна чырмалыр.
Кесине оноу эте билмеген, халкъына да эте билмез.
Кийимни бичсенг, кенг бич, тар этген къыйын тюлдю.
Джюрекден джюрекге джол барды.
Аман адам этегингден тутса, кес да къач.
Адамны сыфатына къарама, сёзюне къара.
Терслик кетер, тюзлюк джетер.
Азыкъ аз болса, эртде орун сал.
Биреу къой излей, биреу той излей.
Арыгъан къош чамчы болур.
Ётген ёмюр – акъгъан суу.
Ауругъанны сау билмез, ач къарынны токъ билмез.
Уллу къазанда бишген эт, чий къалмаз.
Орундукъ тюбюнде атылсам да, орта джиликме, де да айлан.
Акъыл аздырмаз, билим тоздурмаз.
Арбаз сайлама да, хоншу сайла.
«Ёгюз, джаргъа джууукъ барма, меннге джюк боллукъса», - дегенди эшек.
Чабар ат – джетген къыз.