- Къыз келсе, джумуш эте келеди, къатын келсе, ушакъ эте келеди.
- Тюзню ётмеги тюзде къалса да, тас болмаз.
- Кесинге джетмегенни, кёб сёлешме.
- Ишни ахырын ойламай, аллын башлама.
- Аш берме да, къаш бер.
- Кёб ант этген, кёб ётюрюк айтыр.
- Ач къарынны, токъ билмез
- Къулакъдан эсе, кёзге ышан.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аман хансны – урлугъу кёб.
- Малны кют, джерни тюрт.
- Биреуню къыйынлыгъы бла кесинге джол ишлеме.
- Къыйынлы джети элге оноу этер.
- Аз айтсам, кёб ангылагъыз.
- Тай асырагъан, атха минер.
- Тойгъан антын унутур.
- Ариу сёз джыланны орнундан чыгъарыр.
- Адамны артындан къара сабан сюрме.
- Ашхы сёз таш тешер.
- Кёб къычыргъандан – къоркъма, тынч олтургъандан – къоркъ.
- Джашлыкъ этмеген, башлыкъ этмез.
- Аджаллыгъа окъсуз шкок атылыр.
- Аман къатын сабий табса, бий болур…
- Сёз – кюмюш, джыр – алтын.
- Сёлеш деб шай берген, тохта деб, сом берген.
- Азыкъ аз болса, эртде орун сал.
- Къонакъ аман болса, къонакъбай джунчур
- От этилмеген джерден тютюн чыкъмайды.
- Тёрени джагъы джокъ.
- Ана – юйню кюн джарыгъы.
- Биреу ашаб къутулур, биреу джалаб тутулур.
- Aдам боллукъ, сыфатындан белгили.
- Аман къатын алгъан, арыр, иги къатын алгъан джарыр.
- Чомарт къолда мал къалмаз.
- Алтыда кюлмеген, алтмышда кюлмез.
- Айырылмаз джууугъунга, унутмаз сёзню айтма.
- Мухардан ач ычхынмаз.
- Кёб джат да, бек чаб.
- Киштикге къанат битсе, чыпчыкъ къалмаз эди.
- Эл элде бирер малынг болгъандан эсе, бирер тенгинг болсун.
- Къар – келтирди, суу – элтди.
- Арпа, будай – ащды, алтын, кюмюш а – ташды.
- Хар сёзню орну барды.
- Иши джокъну, сыйы джокъ.
- Сабийликде юретмесенг, уллу болса – тюзелмез.
- Ариу сёз аурууунгу алыр.
- Джашны джигитлиги сорулур, къызны джигерлиги сорулур.
- Иги болса, тамадама – махтау, аман болса, меннге – айыб.
- Ётюрюкню башын керти кесер.
- Нёгерсизни джолу узун.
Каппушевы.Архив
|