- Тыш элде солтан болгъандан эсе, кесинги элде олтан болгъан игиди!
- Мени джылытмагъан кюн, меннге тиймесин!
- Ачылгъан эт джабылыр, кёрген кёз унутмаз.
- Эркишиге тары кебек танг кёрюнюр.
- Башланнган иш битер, къымылдагъан тиш тюшер.
- Ётюрюк хапар аякъ тюбю бла джюрюйдю.
- Рысхы джалгъанды: келген да этер, кетген да этер.
- Азыгъы аз, алгъа къабар, аты аман, алгъа чабар.
- Хар ишни да аллы къыйынды.
- Бёрю да ач къалмасын, эчки да ашалмасын.
- Джырына кёре эжиую.
- Алгъанда – джууукъ, бергенде – джау.
- Къызбайны юйюне дери сюрсенг, батыр болур.
- Битмегеннге сакъал – танг.
- Байлыкъ келсе, акъыл кетер.
- Дууулдаса – бал чибин, къонса – къара чибин.
- Адамны бетине къарама, адетине къара.
- Ёлмесенг да, къарт дамы болмазса?
- Байлыкъ тауусулур, билим тауусулмаз.
- Терек ауса, отунчу – кёб.
- Къарт айтханны этмеген, къартаймаз.
- Тенгни тенглиги джашай барсанг билинир.
- Джауумдан сора, кюн кюйдюрюр, ётюрюкден сора, айыб кюйдюрюр.
- Уллу къазанда бишген эт, чий къалмаз.
- Ашхы сёз таш тешер.
- Ач къарынны, токъ билмез
- Тил бла келеди джыр да.
- Баш болса, бёрк табылыр.
- Уллу суу бла уллу ауруудан башынгы сакъла.
- Аман къатын алгъан, арыр, иги къатын алгъан джарыр.
- Гугук кесини атын айтыб къычыргъанча, мен, мен деб нек тураса?
- Эте билген, этген этеди, эте билмеген, юретген этеди!
- Аджашхан тёгерек айланыр.
- Эртде тургъан джылкъычыны эркек аты тай табар.
- Тойгъа барсанг, тоюб бар, эски тонунгу къоюб бар.
- Джашда акъыл джокъ, къартда къарыу джокъ.
- Киштикге къанат битсе, чыпчыкъ къалмаз эди.
- Хар сёзню орну барды.
- Тойгъанлыкъ къойгъа джарашады.
- Аманны эки битли тону болур, бирин сеннге кийдирир, бирин кеси киер.
- Айран ичген – къутулду, джугъусун джалагъан – тутулду.
- Алтыннга тот къонмаз.
- Танг атмайма десе да, кюн къоярыкъ тюйюлдю.
- Адам къыйынлыгъын кёлтюрюр, зауукълугъун кёлтюрмез.
- Хазыр ашха – терен къашыкъ.
- Азыкъ аз болса, эртде орун сал.
- Ётюрюкден тюбю джокъ, кёлтюрюрге джиби джокъ.
- Къартны сыйын кёрмеген, къартлыгъында сыйлы болмаз.
- Ачлыкъда тары гырджын халыуадан татлы.
- Бойнуму джети джерден кессенг да, мен ол ишни этеллик тюлме.
