- Къонакъ болсанг, ийнакъ бол.
- Босагъагъа джууукъ орун болса, ашыгъыб тёрге озма.
- Билим ат болуб да чабар, къуш болуб да учар.
- Сагъыш – къартлыкъгъа сюйюмчю.
- Этим кетсе да, сюегим къалыр.
- Киштикге къанат битсе, чыпчыкъ къалмаз эди.
- Харам къарнашдан, халал тенг ашхы.
- Ариу сёзде ауруу джокъ.
- Къатыны харакетли болса, эри къымсыз болур.
- Иесиз малны бёрю ашар.
- Къыйынлы джети элни къайгъысын этер.
- Аманнга да, игиге да оноусуз къатышма.
- Аманнга алтын чыдамаз.
- Аман эсирсе, юйюн ояр.
- Аманнга игилик этсенг, юйюнге сау бармазса.
- Аман хансны – урлугъу кёб.
- Тойгъа алгъа да барма, тойда артха да къалма.
- Тойчу джашха къарама, къойчу джашха къара.
- Нёгерсизни джолу узун.
- Акъыллы эркиши атын махтар, акъылсыз эркиши къатынын махтар.
- Ашхы болсанг, атынг чыгъар, аман болсанг, джанынг чыгъар.
- Нафысынгы айтханын этме, намысынгы айтханын эт.
- Биреуню къыйынлыгъы бла кесинге джол ишлеме.
- Чёбню кёлтюрсенг, тюбюнден сёз чыгъар.
- Чабар ат – джетген къыз.
- Бал ашаргъа сюе эсенг, чибин ургъаннга тёз.
- Джарлы эскисин джамаса, къууаныр.
- Джогъун бар этген, барын бал этген.
- Башда акъыл болмаса, эки аякъгъа кюч джетер.
- Къарын къуру болса, джюрек уру болур.
- Тынгылагъан тынгы бузар.
- Джерни букъусу кёкге къонмаз.
- Адамны бетине къарама, адетине къара.
- Тилчи тилден къаныкъмаз.
- Аман адам элни бир-бирине джау этер.
- Шайтан алдады, тюзлюк къаргъады.
- Къалгъан ишге къар джауар.
- Сёлеш деб шай берген, тохта деб, сом берген.
- Эр сокъур болсун, къатын тилсиз болсун.
- Уллу къазанда бишген эт, чий къалмаз.
- Аманны къуугъан, аманлыкъ табар.
- Ач келгенни – тойдур, кеч келгенни – къондур.
- Баланы адам этген анады.
- Къызгъанчдан ычхыныр, мухардан ычхынмаз.
- Таякъ этден ётер, тил сюекден ётер.
- Ашаса, ашамаса да, бёрюню ауузу – къан.
- Аджаллыгъа окъсуз шкок атылыр.
- Арбаз къынгырды да, ийнек сауалмайма.
- Ойнай билмеген, уруб къачар.
- Келгинчи, къонакъ уялыр, келгенден сора, къонакъбай уялыр.
