- Джаралыны джастыгъында сау ёлюр.
- Къонакъны къачан кетерин сорма, къачан келлигин сор.
- Аман киши кеси юйюнде – къонакъ.
- Аман эсирсе, юйюн ояр.
- Игини сыйлагъан адетди.
- Ишленмеген джаш – джюгенсиз ат, ишленмеген къыз – тузсуз хант.
- Ашда – бёрю, ишде – ёлю.
- Телиге от эт десенг, юйюнге от салыр.
- Билими азны – ауузунда кирит.
- Айырылмаз джууугъунга, унутмаз сёзню айтма.
- Баланы адам этген анады.
- Байны оноуу, джарлыгъа джарамаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Айтханы чапыракъдан ётмеген.
- Къатын къылыкъсыз, эр тынчлыкъсыз.
- Эки къатын алгъан – эки ташны ортасына башын салгъан.
- Тулпарлыкъ, билекден тюл – джюрекден.
- Къазанда болса, чолпугъа чыгъар.
- Чомартха хар кюн да байрамды.
- Аллахдан тилесенг, кёб тиле.
- Къарнынг къанлынга кийирир.
- Джолунга кёре – джюрюшюнг, джагъанга кёре – юлюшюнг.
- Тёзген – тёш ашар!
- Адамгъа аман кюн соруб келмейди.
- Чарсда алчыны эл кёреди.
- Къартны сыйын кёрмеген, къартлыгъында сыйлы болмаз.
- Ана къолу ачытмаз.
- Бёрю да ач къалмасын, эчки да ашалмасын.
- Ишни аллы бла къууанма да, арты бла къууан.
- Джарлыны тону джаз битер.
- Урунуу – насыбны анасы.
- Билмегенинги, билгеннге сор.
- Ёлген ийнек сютлю болур.
- Къарны аманнга къазан такъдырма, къолу аманнга от джакъдырма.
- Айраннга суу къош, телиге джол бош.
- Иши джокъну, сыйы джокъ.
- Суу ичген шауданынга тюкюрме.
- Тик ёргени, тик энгишгеси да болады.
- Ётюрюк хапар аякъ тюбю бла джюрюйдю.
- Джаным-тиним – окъуу, билим.
- Гырджын – тепсини тамадасы.
- Баргъанынга кёре болур келгенинг.
- Ариу сёз – джаннга азыкъ, аман сёз – башха къазыкъ.
- Аманнга алтын чыдамаз.
- Акъыллы башны – тили къысха.
- Кёб джашагъан – кёб билир.
- Джыланны къуйругъундан басарынг келсе, аны башы болгъанын унутма.
- Ашхы тенг джолгъа салыр, аман тенг джолдан тайдырыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Джиби бир къат джетмей эди да, эки къат тарта эди.