- Аууз сакълагъан – джан сакълар.
- Эрни эр этерик да, къара джер этерик да, тиширыуду.
- Ёлюр джаннга, ёкюл джокъ.
- Эл бла кёргенинг эрелей.
- Иесиз малны бёрю ашар.
- Эри аманны, къатыны – аман.
- Туз, гырджын аша, тюзлюк бла джаша.
- Эркишиге тары кебек танг кёрюнюр.
- Бек ашыкъгъан меннге джетсин, дегенди аракъы.
- Агъач – джерни чырайы, кийим – эрни чырайы.
- Къолу уллу – асыу, аягъы уллу – джарсыу.
- Миллетни бойну – базыкъ, аны бла кюрешген – джазыкъ.
- Сакъламагъан затынга джолукъсанг, не бек къууанаса, не бек ачыйса.
- Эринчекни эр алмаз, эр алса да, кёл салмаз, кёл салса да, кёб бармаз!
- Билимсиз иш бармаз.
- Бал – татлы, балдан да бала – татлы.
- Келгинчи, къонакъ уялыр, келгенден сора, къонакъбай уялыр.
- Кенгеш болса, уруш болмаз.
- Бастасын ашагъан, хантусун да ичер.
- Ханы къызы буюгъа-буюгъа киштик болду.
- Тай асырагъан, атха минер.
- Адеб джокъда, намыс джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Чакъырылмай келген къонакъ сыйланмай кетер.
- Тёзгеннге, джабылгъан эшик ачылыр.
- Аман адам этегингден тутса, кес да къач.
- Къыйынлы джети элге оноу этер.
- Шайтан алдады, тюзлюк къаргъады.
- Къатын байлыкъны сюер, эр саулукъну сюер.
- Гыдай эчки суугъа къараб, мюйюзле кёрмесе, джашма алкъын, дегенди.
- Тау башында, тау болмаз, джангыз терек, бау болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Керти сёзге тёре джокъ.
- Ётюрюкден тюбю джокъ, кёлтюрюрге джиби джокъ.
- Окъуусуз билим – джокъ, билимсиз кюнюнг – джокъ.
- Ёлюк кебинсиз къалмаз.
- Кесине оноу эте билмеген, халкъына да эте билмез.
- Тойгъандан сора, ашны сёкме.
- Аллахдан тилесенг, кёб тиле.
- Элге къуллукъ этмеген, элге ие болмаз.
- Къая джолда джортма, ачыкъ сёзден къоркъма.
- Джыланны къуйругъундан басарынг келсе, аны башы болгъанын унутма.
- Чомарт бергенин айтмаз.
- Джогъун бар этген, барын бал этген.
- Киштикге къанат битсе, чыпчыкъ къалмаз эди.
- Ашына кёре табагъы, балына кёре къалагъы.
- Нарт сёз – тилни бети.
- Ашхы атаны – джашы ашхы, ашхы ананы – къызы ашхы.
- Акъыл неден да кючлюдю.
- Дуния мал дунияда къалады.