- Тил бла келеди джыр да.
- Ауругъан – джашаудан умутчу.
- Ёзденликни джайгъан – джокълукъ.
- Тас болгъан бычакъны сабы – алтын.
- Баш болса, бёрк табылыр.
- Хар ишни да аллы къыйынды.
- Минг тенг да азды, бир джау да кёбдю.
- Башланнган иш битер, къымылдагъан тиш тюшер.
- Кёбню кёрген – кёб билир.
- Къайгъы тюбю – тенгиз.
- Тау башында, тау болмаз, джангыз терек, бау болмаз.
- Джашынгы кесинг юретмесенг, джашау юретир.
- Билимсиз иш бармаз.
- Ёлюк кебинсиз къалмаз.
- Сабийни джумушха джибер да, ызындан бар.
- Окъуу – билимни ачхычы, окъуу – дунияны бачхычы.
- Эркиши – от, тиширыу – суу.
- Эски джаугъа ышанма.
- Къарт бла баш аша, джаш бла аякъ аша.
- Ач къарынны, токъ билмез
- Ёлюр джаннга, ёкюл джокъ.
- Элге къуллукъ этмеген, элге ие болмаз.
- Терек ауса, отунчу – кёб.
- Ауузу аманнга «иги», деме.
- Аманны тукъумуна къарама, игини тукъумун сорма.
- Тюзлюк шохлукъну бегитир.
- Сютню башын джалагъан къутулур, тюбюн ичген тутулур.
- Аш кетер да бет къалыр.
- Джерни букъусу кёкге къонмаз.
- Рысхы – сют юсюнде кёмюк кибикди.
- Чакъырылмагъан къонакъ къачан кетерин сормаз.
- Джашда акъыл джокъ, къартда къарыу джокъ.
- Ауузу бла къуш тута айланады.
- Окъ къызбайны джокълайды.
- Тилсиз миллет джокъ болур.
- Алгъанда – джууукъ, бергенде – джау.
- Айтханы чапыракъдан ётмеген.
- Сыфатында болмагъаны, суратында болмаз.
- Адамны бетине къарама, адетине къара.
- Бет бетге къараса, бет да джерге къарар.
- Телини эшигин, махтау джабар.
- Адеб джокъда, намыс джокъ.
- Суу кетер, таш къалыр.
- Къарнынг тойгъунчу аша да, белинг талгъынчы ишле.
- Чыбыкълыкъда бюгюлмеген, къазыкълыкъда бюгюлмей эди.
- Ханы къызы буюгъа-буюгъа киштик болду.
- Къатын къылыкъсыз, эр тынчлыкъсыз.
- Тёрени джагъы джокъ.
- Джогъун бар этген, барын бал этген.
- Кёлю джокъну – джолу джокъ.