Эльбрусоид :: Эльбрусоид

Мал тутхан – май джалар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Бал ашаргъа сюе эсенг, чибин ургъаннга тёз.
Ёнгкюч къууана барыр, джылай келир.
Алтыннга тот къонмаз.
Башы джабылгъан челекге, кир тюшмез.
Бал чибинни ургъаны – ачы, балы – татлы.
Кёзю сокъурдан – къоркъма, кёлю сокъурдан – къоркъ.
Тюкюрюк баш джармаз, налат кёз чыгъармаз!
Тил – миллетни джаны.
Кёбню кёрген – кёб билир.
Адам къаллай бир ишленмесе, аллай бир кесин уллу кёреди.
Айтхан – тынч, этген – къыйын.
Къуллукъчума, деб махтанма, къуллукъ – хаух джамчыды!
Ойнай-ойнай кёз чыгъар.
Къарт болгъан джерде, берекет болур, сабий болгъан джерде, оюн болур.
Тюзню ётмеги тюзде къалса да, тас болмаз.
Нарт сёз къарт болмаз.
Эллинг бла джау болсанг да, юйюнг бла джау болма.
Окъдан джара эртде-кеч болса да бителир, сёз джара, ёмюрге къалыр.
Ётген ёмюр – акъгъан суу.
Ата Джуртун танымагъан, атасын да танымаз.
Баланы адам этген анады.
Тюзлюк шохлукъну бегитир.
Тенги кёбню джау алмаз, акъылы кёбню дау алмаз.
Ауругъан – джашаудан умутчу.
Ачыу алгъа келсе, акъыл артха къалады.
Аш хазыр болса, иш харам болур.
Таш бла ургъанны, аш бла ур.
Джарлы эскисин джамаса, къууаныр.
Суу кетер, таш къалыр.
Шапа кёб болса, аш татымсыз болур.
Эринчекге кюн узун.
Билимден уллу байлыкъ джокъду.
Тюзлюк тас болмайды.
Намыс болмагъан джерде, насыб болмаз.
Джаш болсун, къыз болсун, акъылы, саны тюз болсун.
Ауругъанны сау билмез, ач къарынны токъ билмез.
Малны кют, джерни тюрт.
Адеб джокъда, намыс джокъ.
Садакъачыны джаны – къапчыгъында.
Азыкълы ат арымаз, къатыны аман джарымаз.
Элде адам къалмаса, ит тахтагъа минер.
Алтыда кюлмеген, алтмышда кюлмез.
Кёпюр салгъан кеси ётер, уру къазгъан кеси кетер.
Кийимни бичсенг, кенг бич, тар этген къыйын тюлдю.
Къарны аманнга къазан такъдырма, къолу аманнга от джакъдырма.
Къонакъ аман болса, къонакъбай джунчур
Къонакъ аз олтурур, кёб сынар.
Джарлыны тону джаз битер.