Эльбрусоид :: Эльбрусоид

Башынга джетмегенни сорма.
Соргъан айыб тюлдю, билмеген айыбды.
Шапа кёб болса, аш татымсыз болур.
Ёлюр джаннга, ёкюл джокъ.
Мухарны эси – ашарыкъда.
Адамны сыфатына къарама, сёзюне къара.
Чомартны къолу берекет.
Малны кют, джерни тюрт.
Къартны бурнун сюрт да, оноугъа тут.
Билимли ёлмез, билимсиз кёрмез.
Кёл – къызбай, къол – батыр.
Чабакъгъа акъыл, табагъа тюшсе келеди.
Бал ашаргъа сюе эсенг, чибин ургъаннга тёз.
Азыкъ аз болса, эртде орун сал.
Иги адамны бир сёзю эки болмаз.
Уллу сёлешме да, уллу къаб.
Таукел къуру къалмаз.
Ашхы тенг джолгъа салыр, аман тенг джолдан тайдырыр.
Эски джаугъа ышанма.
Айыбны суу бла джууалмазса.
Джаным-тиним – окъуу, билим.
Къумурсхала джыйылсала, пилни да джыгъадыла.
Керек ташны ауурлугъу джокъ.
Джыйырма къойну юч джыйырма эбзе кюте эди.
Акъыллы – эл иеси, тели – эл баласы.
Тенгинг джокъ эсе – изле, бар эсе – сакъла!
Ичимден чыкъды хата, къайры барайым сата?
Эркиши – от, тиширыу – суу.
Джарлы эскисин джамаса, къууаныр.
Тойгъандан сора, ашны сёкме.
Суу кетер, таш къалыр.
Адам сёзге тынгыла, акъыл сёзню ангыла.
Азыкълы ат арымаз, къатыны аман джарымаз.
Акъыл неден да кючлюдю.
Олтуруб кёрюнмей эди да, ёрге туруб кёрюне эди.
Ёксюзню тилеги къабыл болур.
Ач, тоймам, дейди, тойгъан, ач болмам, дейди.
Атлыны ашхысы, ат тизгининден билинир
Аман адамны тепсинге олтуртсанг, къызынгы тилер.
Ёлген эшек бёрюден къоркъмайды.
Къонакъ кёб келюучю юйню, къазаны отдан тюшмез.
Телини эшигин, махтау джабар.
Аман хансны – урлугъу кёб.
Термилгенинги табмазса, кюлгенинге тюберсе.
Тыш элде солтан болгъандан эсе, кесинги элде олтан болгъан игиди!
Бёрю да ач къалмасын, эчки да ашалмасын.
От этилмеген джерден тютюн чыкъмайды.
Ат басханны джер билед.
Биреуге аманлыкъны тилеме да, кесинге ашхылыкъны тиле.
Иги сёз – джаннга азыкъ, аман сёз башха – къазыкъ.