- Айтылгъан сёз ызына къайтмаз.
- Чомартха Тейри да борчлуду.
- Кютгени беш эчки, сызгъыргъаны уа, джерни джарады.
- Чомарт джарлы болмаз.
- Асхат ашлыкъ сата, юйдегиси ачдан къата.
- Джюз элде джюз ёгюзюм болгъандан эсе, джюз джууугъум болсун.
- Ёгюзню мюйюзюнден тутадыла, адамны сёзюнден тутадыла.
- Эл тойса, тоймагъан, эл къойса, къоймагъан.
- Сабыр джетер муратха, сабырсыз къалыр уятха.
- Ишлегенде эринме, ишде чолакъ кёрюнме.
- Къоркъакъны кёзю экили кёрюр.
- Элге къуллукъ этмеген, элге ие болмаз.
- Татлы сёз – балдан татлы.
- Киштикге къанат битсе, чыпчыкъ къалмаз эди.
- Билмейме деген – бир сёз
- Акъыллы айтыр эди, акъылсыз къоймайды.
- Хансыз джомакъ болмаз.
- Бир абыннган – минг сюрюнюр.
- Этни бети бла шорпасы.
- Джерни букъусу кёкге къонмаз.
- Джюрекге ариу – кёзге да ариу.
- Сормай – алма, чакъырылмай – барма.
- Арпа, будай – ащды, алтын, кюмюш а – ташды.
- Магъанасыз сёз – тауушсуз сыбызгъы.
- Къуллукъчума, деб махтанма, къуллукъ – хаух джамчыды!
- Хар адамгъа кеси миннген тау кибик.
- Ач – эснер, ат – кишнер.
- Ач бёрюге мекям джокъ.
- Намыс болмагъан джерде, насыб болмаз.
- Аман адамны тепсинге олтуртсанг, къызынгы тилер.
- Ашда – бёрю, ишде – ёлю.
- Юйюнг бла джау болгъандан эсе, элинг бла джау бол.
- Ётюрюкню къуйругъу – бир тутум.
- Ойнай билмеген, оюн бузар.
- Тёгюлген тюгел джыйылмайды.
- Тёзген – тёш ашар!
- Адам къыйынлыгъын кёлтюрюр, зауукълугъун кёлтюрмез.
- Акъыл бла адеб эгизледиле.
- Баш болса, бёрк табылыр.
- Эркиши – от, тиширыу – суу.
- Къонакъ болсанг, ийнакъ бол.
- Ачыкъ джюрекге джол – ачыкъ.
- Аз айтсам, кёб ангылагъыз.
- Ургъан суудан башынгы сакъла.
- Ариу сёз аурууунгу алыр.
- Адамны джюреги нени кёрюрге сюйсе, кёзю да аны кёрюрге ёч болады.
- Рысхы джалгъанды: келген да этер, кетген да этер.
- Эр абынмай, эл танымаз.
- Кёбню кёрген – кёб билир.
- Ат да турмайды бир териде.
