- Юйюнг бла джау болгъандан эсе, элинг бла джау бол.
- Айран тёгюлсе, джугъусу къалыр.
- Иги сеники эсе да, сюйген кесимикин этеме.
- Иги болса, тамадама – махтау, аман болса, меннге – айыб.
- Уллу сёлешме да, уллу къаб.
- Айтылгъан сёз ызына къайтмаз.
- Байма, деб да, къууанма, джарлыма, деб да, джылама.
- Аманнга алтын чыдамаз.
- Хаухну атма, ёнгкючню сатма.
- Байлыкъ адамны сокъур этер.
- Аш берме да, къаш бер.
- Тура эдим джата, къайдан чыкъды хата?
- Кюн – узун, ёмюр – къысха.
- Башда акъыл болмаса, эки аякъгъа кюч джетер.
- Ишни ахырын ойламай, аллын башлама.
- Билим ат болуб да чабар, къуш болуб да учар.
- Рысхысына кёре, джаш ёсер, къышлыгъына кёре, мал ёсер.
- Окъ къызбайны джокълайды.
- Этни бети бла шорпасы.
- Кёзден кетген, кёлден да кетеди.
- Джарлы тюеге минсе да, ит къабар.
- Ана кёлю – балада, бала кёлю – талада.
- Адам боллукъ, атламындан белгили болур.
- Аз сёлешген, къайгъысыз турур.
- Бети бедерден, намыс сакълама.
- Джаралыны джастыгъында сау ёлюр.
- Айтылгъан буйрукъ, сёгюлмез
- Тил бла келеди джыр да.
- Билеги кючлю, бирни джыгъар, билими кючлю, мингни джыгъар.
- Чалманны аллы къалай башланса, арты да алай барады.
- Къыз тиширыу кеси юйюнде да къонакъды.
- Ашхы атаны – джашы ашхы, ашхы ананы – къызы ашхы.
- Кюлме джашха – келир башха.
- Биреуге аманлыкъ этиб, кесинге игилик табмазса.
- Гырджын – тепсини тамадасы.
- Чоюнну башы ачыкъ болса, итге уят керекди.
- Къонагъынгы артмагъын алма да, алгъышын ал.
- От кюйдюрген, сау болса да, тот кюйдюрген, сау болмаз.
- Ишленмеклик адамлыкъды.
- Ач келгенни – тойдур, кеч келгенни – къондур.
- Ашда – бёрю, ишде – ёлю.
- Ашын ашагъанынгы, башын да сыйла.
- Джахил болса анасы, не билликди баласы?
- Эркишини аманы тиширыуну джылатыр.
- Къарнынг бла ёч алма.
- Татлы тилде – сёз ариу, чемер къолда – иш ариу.
- Ёнгкюч къууана барыр, джылай келир.
- Айтханы чапыракъдан ётмеген.
- Юйлю уругъа ит чабмаз.
- Къолунгдан къуймакъ ашатсанг да, атаны борчундан къутулмазса.
