- Ашыкъгъан cуу, тенгизге джетмез.
- Адамны артындан къара сабан сюрме.
- Нёгер болсанг, тенг бол, тенг болмасанг, кенг бол.
- Тойгъа барсанг, тоюб бар, эски тонунгу къоюб бар.
- Мураты болгъанны джюрек тебюую башхады.
- Гугурук къычырмаса да, тангны атары къалмаз.
- Адебсиз адам – джюгенсиз ат.
- Айтхан сёзюне табылгъан.
- Ашхы болсанг, атынг чыгъар, аман болсанг, джанынг чыгъар.
- Джылыгъа джылан илешир.
- Адебни адебсизден юрен.
- Адеби болмагъан къыз – тузсуз хант.
- Кесине гебен этелмеген, биреуге черен эте эди.
- Иги – алгъыш этер, аман – къаргъыш этер.
- Тюз сёз баргъан сууну тыяр.
- Мал кёб болса, джууукъ кёб болур.
- Адеб этмеген, адеб кёрмез.
- Кёлсюзден сёзсюз тууар.
- Эрине къаргъыш этген къатын, эрнин къабар.
- Кеси юйюмде мен да ханма.
- Аман къатын алгъан, арыр, иги къатын алгъан джарыр.
- Халкъгъа джарагъан, джарлы къалмаз.
- Джашны джигитлиги сорулур, къызны джигерлиги сорулур.
- Махтаннган къыз, тойда джукълар.
- Ана – юйню кюн джарыгъы.
- «Ёгюз, джаргъа джууукъ барма, меннге джюк боллукъса», - дегенди эшек.
- Ойнай билмеген, уруб къачар.
- Игилик игилик бла сингдирилиучю затды.
- Кёрмегеннге кебек – танг, битмегеннге сакъал – танг.
- Иги адам абынса да, джангылмаз.
- Къонагъы джокъну – шоху джокъ.
- Къанны къан бла джуума, аманны аман бла къуума.
- Юре билмеген ит, къонакъ келтирир.
- Агъач – джерни чырайы, кийим – эрни чырайы.
- Азыгъы аз, алгъа къабар, аты аман, алгъа чабар.
- Джарлы тюеге минсе да, ит къабар.
- Тешик этген тынчды, аны джамагъан къыйынды.
- Этни бети бла шорпасы.
- Кийимни бир кюнню аясанг, минг кюннге джарар.
- Ашын ашагъанынгы, башын да сыйла.
- Ётюрюкчюню шагъаты – къатында.
- Билеги кючлю, бирни джыгъар, билими кючлю, мингни джыгъар.
- Джыланны къуйругъундан басарынг келсе, аны башы болгъанын унутма.
- Ана къолу ачытмаз.
- Айтхан – тынч, этген – къыйын.
- Къазанда болса, чолпугъа чыгъар.
- Ёнгкюч къууана барыр, джылай келир.
- Шайтан алдады, тюзлюк къаргъады.
- Къолунгдан къуймакъ ашатсанг да, атаны борчундан къутулмазса.
- Мадар болса, къадар болур.