- Эки къатын алгъанны къулагъы тынгнгаймаз.
- Чомарт къонакъ юй иесин сыйлар.
- Дженгил джетерикме деб, узун джолну къоюб, къысхасын барма.
- Хар сёзню орну барды.
- Чомарт бергенин айтмаз.
- Босагъа таш юйге кирмей эди, тыбыр таш эшикге чыкъмай эди.
- Иги адам абынса да, джангылмаз.
- Кёлю джокъну – джолу джокъ.
- Къыз тиширыу кеси юйюнде да къонакъды.
- Берекет берсин деген джерде, берекет болур.
- Аманнга алтын чыдамаз.
- Ёлюк кебинсиз къалмаз.
- Бёрю да ач къалмасын, эчки да ашалмасын.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кютгени беш эчки, сызгъыргъаны уа, джерни джарады.
- Чакъырылмагъан къонакъ тёрге атламаз.
- Тиширыусуз юй – отсуз от джагъа.
- Аш берме да, къаш бер.
- Эринчекни эр алмаз, эр алса да, кёл салмаз, кёл салса да, кёб бармаз!
- Айныгъанлы алты кюн, тогъайгъанлы тогъуз кюн.
- Ач да бол, токъ да бол – намысынга бек бол.
- Джюрек кёзден алгъа кёрюр.
- Бозанг болмагъан джерге, къалагъынгы сукъма.
- Мен да «сен», дейме, сен да «кесим», дейсе.
- Таугъа чыгъаллыкъ эсенг, тюзде къалма.
- Зар адамны насыбы болмаз.
- Огъурлуну сёзю – суу, огъурсузну сёзю – уу.
- Окъугъан – асыу, окъумагъан – джарсыу.
- Экеу тутушса, биреу джыгъылыр.
- Чомартха Тейри да борчлуду.
- Чарсда алчыны эл кёреди.
- Кесине гебен этелмеген, биреуге черен эте эди.
- Джахил болса анасы, не билликди баласы?
- Кёзден кетген, кёлден да кетеди.
- Ойнай билмеген, уруб къачар.
- Юреннген ауруу къалмаз.
- Суугъа – таянма, джаугъа – ийнанма.
- Таш бла ургъанны, аш бла ур.
- Душманны тышы – акъ, ичи – къара.
- Тас болгъан бычакъны сабы – алтын.
- Эртде тургъан бла эртде юйленнген сокъуранмаз.
- Байдан умут эте, джарлыдан ёгюз багъасы къорады.
- Ачны эсинде – аш.
- Ашхы атаны – джашы ашхы, ашхы ананы – къызы ашхы.
- Билеги кючлю, бирни джыгъар, билими кючлю, мингни джыгъар.
- Гитче джилтин уллу элни джандырыр.
- Ашыкъгъан cуу, тенгизге джетмез.
- Акъыл бла адеб эгизледиле.
- Ачлыкъда тары гырджын халыуадан татлы.
- Элге къуллукъ этмеген, элге ие болмаз.
