- Ач бёрюге мекям джокъ.
- Акъыл неден да кючлюдю.
- Чакъырылмай келген къонакъ сыйланмай кетер.
- Къазанда болса, чолпугъа чыгъар.
- Къарын къуру болса, джюрек уру болур.
- Уллу атлама – абынырса, уллу къабма – къарылырса.
- Бети къызарыучу адамны, джюреги харам болмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Джюрекге ариу – кёзге да ариу.
- Окъдан джара эртде-кеч болса да бителир, сёз джара, ёмюрге къалыр.
- Джумушакъ терекни къурт ашар.
- Оюмсуз атлагъан, аджалсыз ёлюр.
- Игини сыйлагъан адетди.
- Эски джаугъа ышанма.
- Эрине къаргъыш этген къатын, эрнин къабар.
- Къатыны харакетли болса, эри къымсыз болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Бек анасы джыламаз.
- Тешик этген тынчды, аны джамагъан къыйынды.
- Ётюрюкчюню шагъаты – къатында.
- Аджашхан тёгерек айланыр.
- Накъырда – кертини келечиси.
- Джети тилни билген джети кишиди.
- Биреуге аманлыкъны тилеме да, кесинге ашхылыкъны тиле.
- Намысы джокъну – дуниясы джокъ.
- Эр абынмай, эл танымаз.
- Билеги кючлю, бирни джыгъар, билими кючлю, мингни джыгъар.
- Аякъларынгы джууургъанынга кёре узат.
- Къайгъыны сюйген, къайгъы табар.
- Эркишиге тары кебек танг кёрюнюр.
- Таугъа чыгъаллыкъ эсенг, тюзде къалма.
- Гугук кесини атын айтыб къычыргъанча, мен, мен деб нек тураса?
- Къоркъакъны кёзю экили кёрюр.
- Намысы болмагъанны, сыйы болмаз.
- Бал ашаргъа сюе эсенг, чибин ургъаннга тёз.
- Эртде тургъан джылкъычыны эркек аты тай табар.
- Къарнынг бла ёч алма.
- Чакъырылгъанны аты, чакъырылмагъанны багъасы болур.
- Айтханы чапыракъдан ётмеген.
- Ашын ашагъанынгы, башын да сыйла.
- Нарт сёз – тилни бети.
- Айранын берсенг, челегин да къызгъанма.
- Баш болса, бёрк табылыр.
- Тилчиден кери бол.
- Билмегенинги, билгеннге сор.
- Тилсиз миллет джокъ болур.
- Хаухну атма, ёнгкючню сатма.
- Тенгни тенглиги джашай барсанг билинир.
- Джылар джаш, атасыны сакъалы бла ойнар.
- Хазыр ашха – терен къашыкъ.
