- Тёрени джагъы джокъ.
- Сакъ юйюне сау барыр.
- Кенгеш болса, уруш болмаз.
- Джылар джаш, атасыны сакъалы бла ойнар.
- Аджалсыз ёлюм болмаз.
- Тулпарлыкъ, билекден тюл – джюрекден.
- Бичгенде ашыкъма, тикгенде ашыкъ.
- Чабакъсыз кёлге къармакъ салгъанлыкъгъа, чабакъ тутмазса.
- Ашына кёре табагъы, балына кёре къалагъы.
- Аш хазыр болса, иш харам болур.
- Азыгъы аз, алгъа къабар, аты аман, алгъа чабар.
- Тойну къарнашы – харс, джырны къарнашы – эжиу.
- Уллу сёлешме да, уллу къаб.
- Акъыллы эркиши атын махтар, акъылсыз эркиши къатынын махтар.
- Чоюнну башы ачыкъ болса, итге уят керекди.
- Юй кюйдю да, кюйюз чыкъды, ортасындан тюйюш чыкъды.
- Къонакъны къачан кетерин сорма, къачан келлигин сор.
- Къартха ушагъан джаш – акъыллы, джашха ушагъан къарт – тели.
- Бюгюн дуния кибик, тамбла ахыратды.
- Накъырданы арты керти болур.
- Гитче джилтин уллу элни джандырыр.
- Бети бедерден, намыс сакълама.
- Ёлген аслан – сау чычхан.
- Акъыл къартда, джашда тюйюлдю – башдады.
- Ата – баланы уясы.
- Тамырсыз терекге таянма – джыгъылырса.
- Джукъу тёшек сайламайды.
- Булут кёкге джарашыу, уят бетге джарашыу.
- Кесинг сынамагъан затны, адамгъа буюрма.
- Тили узунну, намысы – къысха.
- Гырджын – тепсини тамадасы.
- Къолу уллу – асыу, аягъы уллу – джарсыу.
- Башда акъыл болмаса, эки аякъгъа кюч джетер.
- Шапа кёб болса, аш татымсыз болур.
- Тил бла келеди джыр да.
- Джумушакъ терекни къурт ашар.
- Эркишиге тары кебек танг кёрюнюр.
- Сабий кёргенин унутмаз.
- Ишлемеген – тишлемез.
- Мен да «сен», дейме, сен да «кесим», дейсе.
- Аджашхан тёгерек айланыр.
- Бетинги сатма, малынгы сат.
- Баргъанынга кёре болур келгенинг.
- Джашда акъыл джокъ, къартда къарыу джокъ.
- Кирсизни – саны таза, халалны – къаны таза.
- Билимли ёлмез, билимсиз кёрмез.
- Айтхан сёзюне табылгъан.
- Гугук кесини атын айтыб къычыргъанча, мен, мен деб нек тураса?
- Къумурсхала джыйылсала, пилни да джыгъадыла.
- Къоркъакъны кёзю экили кёрюр.
