- Ауругъанны сау билмез, ач къарынны токъ билмез.
- Иесиз малны бёрю ашар.
- Аман къатын сабий табса, бий болур…
- Ариу джол аджал келтирмез.
- Билмезни кёзю кёрмез, этмезни къулагъы эшитмез.
- Адамны джюреги нени кёрюрге сюйсе, кёзю да аны кёрюрге ёч болады.
- Иги адам абынса да, джангылмаз.
- Тюзлюк тас болмайды.
- Адам сёзюнден белгили.
- Хунаны тюбюн къазсанг, юсюнге ауар.
- Ишни аллы бла къууанма да, арты бла къууан.
- Кесинг сынамагъан затны, адамгъа буюрма.
- Тамбла алтындан бюгюн багъыр ашхы.
- Ёмюрлюк шохлукъну джел элтмез.
- Джюрекге ариу – кёзге да ариу.
- Абынмазлыкъ аякъ джокъ, джангылмазлыкъ джаякъ джокъ.
- Чыкълы кюнде чыкъмагъан, чыкъса къуру кирмеген.
- Мал тутхан – май джалар.
- Тили узунну, намысы – къысха.
- Нарт сёз – тилни бети.
- Кёб ант этген, кёб ётюрюк айтыр.
- Ишленмеклик адамлыкъды.
- Олтуруб кёрюнмей эди да, ёрге туруб кёрюне эди.
- Ойнай-ойнай кёз чыгъар.
- Акъыл аздырмаз, билим тоздурмаз.
- Аман адам элни бир-бирине джау этер.
- Къазанны башы ачыкъ болса, итге уят керекди.
- Ач къарынны, токъ билмез
- Уллу къашыкъ эрин джыртар.
- Чабакъсыз кёлге къармакъ салгъанлыкъгъа, чабакъ тутмазса.
- Джыгъылгъанны сырты джерден тоймаз.
- Дууулдаса – бал чибин, къонса – къара чибин.
- Таукел тауну аудурур.
- Этек чакъмакълары баш джаргъан, сёлешген сёзлери таш джаргъан.
- Чакъырылмай келген къонакъ сыйланмай кетер.
- Эте билген, этген этеди, эте билмеген, юретген этеди!
- Суугъа – таянма, джаугъа – ийнанма.
- Джыйырма къойну юч джыйырма эбзе кюте эди.
- Хар сёзню орну барды.
- Ёлюр джаннга, ёкюл джокъ.
- Тилсиз миллет джокъ болур.
- Джуртун къоругъан озар.
- Уясында не кёрсе, учханында аны этер.
- Окъуу – билимни ачхычы, окъуу – дунияны бачхычы.
- Джеринден айырылгъан – джети джылар, джуртундан айырылгъан – ёлгюнчю джылар.
- Тёзгеннге, джабылгъан эшик ачылыр.
- Терек ауса, отунчу – кёб.
- Азыкъ аз болса, эртде орун сал.
- Билимден уллу байлыкъ джокъду.
- Джангыз торгъай джырламаз.
